इनरुवा । लोकतन्त्रवादी पत्रकारहरुको संगठन नेपाल प्रेस युनियनले शनिबार सुनसरीको सदरमुकाम इनरुवामा आफ्नो समितिलाई विस्तार गरेको छ ।
प्रतिक्षण दैनिक र सुनसरी अनलाइनका कार्यकारी सम्पादक टोमराज मेहताको नेतृत्वमा ११ सदस्यीय सदरमुकाम इनरुवा कार्यसमिति गठन गरिएको छ ।
सुनसरी सदरमुकाम इनरुवास्थित नेपाली कांग्रेसको पार्टी कार्यालयमा आयोजित एक कार्यक्रमका बीच युनियनका केन्द्रीय पदाधिकारी समेतको उपस्थितीमा समिति सर्वसम्मत रुपमा गठन गरिएको हो ।
टोमराज मेहताकोे नेतृत्वमा युनियनको इनरुवा शाखा सहसंयोजकमा पीएमणि भट्टराई, सचिवमा दिपेन्द्र यादव, सहसचिव पवन रौनियार र कोषाध्यक्षमा नसिम अन्सारी रहेका छन् । त्यसैगरी सदस्यहरुमा लुकमान अन्सारी (बी), चन्दन मेहता, गणेश यादव, मुनाफ हसन, असलम साफी र सज्जाद आलम रहेका छन् ।
युनियनले पत्रकारको हकहित र पेशागत सुरक्षाको लागि काम गर्ने र इनरुवा क्षेत्रका पत्रकारका लागि लोककल्याणकारी काम समेत गर्ने संयोजक मेहताले बताए ।
शाखा विस्तार गर्ने क्रममा युनियनका जिल्लाका अध्यक्ष पवन अधिकारीले पत्रकारहरुको छाता संस्था नेपाल पत्रकार महासंघमा समेत आफूहरुको उपस्थिति अहिले राम्रो भएको र थप राम्रो र प्रभावकारी बनाउन शाखा विस्तार गर्ने क्रम बढाएको बताए ।
उनले युनियनले देशमै नमूना कार्यक्रम जिल्लाका सबै पत्रकारका लागि स्वास्थ्य बीमा, कोरोना बीमा, राहत वितरण लगायतका लोककल्याणकारी काम गरेको बताउँदै इनरुवा शाखाले समेत सोही प्रकृतिका थप प्रभावकारी काम गर्ने बताए ।
कार्यक्रममा नेपाल पत्रकार महासंघ प्रदेश १ का सदस्य एवं नेपाल प्रेस युनियनका पूर्व केन्द्रीय सदस्य इकवाल अहमदको समेत उपस्थिति रहेको थियो ।
सो अवसरमा नेपाली कांग्रेस सुनसरीका सभापति एवं प्रदेश १ का प्रमुख प्रतिपक्षी दलका नेता राजीव कोइरालाले युवाहरुको पत्रकारिता क्षेत्रमा बढेको आकर्षणको प्रशंसा गर्दै युनियनले थप आकर्षण गर्न कार्यक्रम ल्याउनुपर्ने बताए ।
उनले संघ संगठनको मार्फतबाट क्षमता विकास र नेतृत्व विकास गर्न युनियनले ठूलो भूमिका खेल्ने विश्वास व्यक्त गरे । निवर्तमान सांसद सीताराम मेहताले युनियनमा सहमति, सहकार्य र एकतालाई कायम गरी अगाडि बढ्नुपर्ने बताए ।
उनले युनियनमा आएका युवाहरुको नेतृत्वले इनरुवालगायत आसपास क्षेत्रका पत्रकारितासँगै नेतृत्व विकासको सकारात्मक सन्देशको थालनी भएको बताए ।
युवा पत्रकारहरुले नै समाजलाई सही बाटोतिर लैजान भूमिका खेल्नुुपर्ने बताए ।
यसैगरी उद्योग वाणिज्य संघ इनरुवाका अध्यक्षले वीरेन्द्र साहले नेपाल प्रेस युनियन सुनसरीले शाखा विस्तार गर्ने क्रममा इनरुवाका युवाहरुलाई अवसर प्रदान गरेकोमा धन्यवाद व्यक्त गरेका छन् ।
पत्रकारिताको विकासमा युवाहरुको अहम भूमिका रहेकोले युवाहरुको पहुँचमा थप योगदान पु¥याउनुपर्ने बताए । नेपाल प्रेस युनियन सुनसरीका कोषाध्यक्ष मिकाइल आलमले युनियन सुनसरीले गरेको कामको चर्चा गर्दै स्वागत मन्तब्य व्यक्त गरेका थिए ।
आलमले इनरुवा शाखाका आएका युवाहरु क्रियाशील लगनशील भएकाले दिएको जिम्मेवारी इमान्दारिताका साथ भूमिका खेल्नुपर्नेमा जोड दिएका थिए । इनरुवालगायतका आसपासका पालिकामा कार्यरत रहेका पत्रकारहरुले इनरुवा शाखाको नाम उचाइसम्म पु¥याउनसमेत आग्रह गरेका छन् ।
अजितकुमार झाको अध्यक्षतामा सम्पन्न भएको थियो । भेलामा नेपाली कांग्रेसका जिल्ला सचिव केदार भण्डारी, सदस्यहरु योगेन्द्रप्रसाद मेहता, विनोद मेहता, नेपाली कांग्रेस इनरुवा नगर कार्यसमितिका सचिव धिरज भट्टराई, सुविद गुरागाई, कृष्ण भट्टराई जुनेली, राजकुमारी चौधरी, चन्दन गुप्तालगायतको सहभागिता रहेको थियो ।
सल्लाहकारहरुमा इकवाल अहमद, फूलचन्द मेहता, अजितकुमार झा र सरोज बराल रहेका छन् । भेलाको उद्घोषण नेपाल प्रेस युनियन सुनसरीका सचिव निशान चौधरीले गरेका थिए ।
