इनरुवा । इनरुवा जेसीजका दुईजना पूर्व अध्यक्षहरुलाई नेपाल जेसीजले मनोनित गरेका छन् । इनरुवा जेसिज वर्ष २०१८ का अध्यक्ष कुन्दन मेहतालाई नेपाल जेसीजले नेशनल एनजीओ÷आइएनजिओ चेयरपर्सन पदमा मनोनित गरिएको छ ।
यसै गरी इनरुवा जेसीज वर्ष २०१९ का अध्यक्ष जितेन्द्र यादवलाई नेपाल जेसीजले एडभाइजर टु बीओडी पदमा मनोनित गरिएको हो ।
नेपाल जेसीजले वर्ष २०२१ को अभियानलाई सार्थक बनाउनका लागि इनरुवाका दुईजना पूर्व जेसीज अध्यक्षहरुलाई मनोनित गरिएको इनरुवा जेसीज वर्ष २०१६ का अध्यक्ष र वर्ष २०१७ का राष्ट्रिय प्रकरण निर्देशक सुनोज निरौलाले जानकारी दिएका छन् ।
नेपाल जेसीजले युवाहरुको प्रतिभालाई प्रशिक्षणको माध्यमबाट प्रस्फुटन गराई कुशल नेतृत्व तथा सवल व्यक्तित्व विकासमा योगदान पुर्याउने उद्धेश्यले यस वर्षको राष्ट्रिय अध्यक्ष प्रकरण राईज टु चेन्ज विषयमा भूमिका खेल्न अपरिहार्य रहेको भन्दै इनरुवाका दुईजना पूर्व अध्यक्षहरुलाई मनोनित गरेका छन् ।
नेपाल जेसीजमा विधिको शासन, मानवताको सेवा, विश्व बन्धुत्वको भावनालाई आत्साथ गर्दै युवाहरुको नेतृत्व र व्यक्तित्व विकास सँगै उद्यमशिलतालाई सार्थक बनाउने, समाजमा सक्रिय नागरिकको भूमिका निर्वाह गर्ने, जेसीजको ध्येय र लक्ष्य प्राप्तिका लागि प्रभावकारीताको मूल्यांङ्कन स्वरुप जेसीज आस्थालाई कायम गरी वर्ष २०२१ लाई थप उचाईमा पुर्याउनका लागि उनीहरुलाई मनोनित गरेको प्रकरण निर्देशक निरौलाको भनाई छ ।
वर्ष २०२१ लाई थप प्रभावकारी बनाउन, नेपाल जेसीजलाई उचाई सम्म पुगाउनका लागि अहम भूमिका खेल्न आवश्यक भएको हुदाँ इनरुवाका दुईजना पूर्व अध्यक्ष मेहता र यादवलाई मनोनित गरिएको नेपाल जेसीजका राष्ट्रिय अध्यक्ष सिनेटर अरुणेश्वर खनालद्धारा हस्ताक्षरित मनोनित पत्रमा उल्लेख गरिएको छ ।
