पवन रौनियार
लौकही । कोसी गाउँपालिकामा २४ जना निवृत्त तथा स्वेच्छिक अवकास लिएका प्रधानाध्यापक र शिक्षकहरु मंगलबार एक कार्यक्रमबीच सम्मान गरिएको छ ।२०७१ सालदेखि २०७७ फागुन ११ गतेसम्ममा निवृत्त तथा स्वेच्छिक अवकास लिएका प्रधानाध्यपक र शिक्षकहरुलाई एक कार्यक्रमका बीच सम्मानित गरिएको हो ।
कोसीमा रहेका सम्पूर्ण सामुदायिक विद्यालयका शिक्षक र कोसी गाउँपालिकाले लौकहीमा एक कार्यक्रमको आयोजना गरी २४ जना प्रअ तथा शिक्षकहरुलाई सम्मानित गरेको छ ।
कोसीका शिक्षकहरु कुमरेन्द्र पाठक, कविनाथ यादव, चिरञ्जीवी पाठक, मंगल चौधरी, नागेश्वर मरवेता, धनीलाल यादव, विष्णुदेव यादव, रामप्रित पण्डित, देवनारायण साह, प्रमोदकुमार सिंह, हरिलाल दास, त्रिलोचन यादव, लक्ष्मण यादव, राम नारायण यादव, नारायण राय, बद्री नारायण यादव ,कामेश्वार यादव ,राजकुमार यादव, काशिलाल चौधरी, कारी यादव, हरिनारायण यादव लगायतलाई सम्मान गरिएको हो ।
उनीहरुलाई सो कार्यक्रमका प्रमुख अतिथि कोसी गाउँपालिकाका अध्यक्ष ऐयुब अन्सारी, उपाध्यक्ष अनितादेवी यादव, प्रमुख प्रशासकीय अधिकृत खगेन्द्र गिरीलगायतले २४ प्रधानाध्यापक र शिक्षकलाई दोसल्ला ओढाई सम्मान प्रमाणपत्र प्रदान गरेर सम्मनित गरिएको छ ।
सो कार्यक्रममा कोसी गाउँपालिकाका अध्यक्ष ऐयुव अन्सारीले आफू जहिले पनि शिक्षकहरुको साथमा रहेको र कोसी गापाका सेवा निवृत्त शिक्षकहरुको हितका लागि काम गरेको हुनाले अक्षयकोष खडा गरिए आफूले पालिकाबाट एक लाख सहयोग गर्ने प्रतिबद्धता व्यक्त गरेका छन् ।
कोसीका अध्यक्ष अन्सारीले पालिकामा रहेका सामुदायिक विद्यालयहरुलाई अंग्रेजी माध्यममा ल्याउन प्रधानाध्यापकहरुलाई सुझावसमेत दिएका छन् ।
अध्यक्ष अन्सारीले अंगे्रजी माध्यममा पठनपाठनका लागि चाहिने पूर्वाधारमा पनि आफूले सहयोग गर्ने प्रतिबद्धता व्यक्त गरेका छन् ।
कार्यक्रममा गापाका वडाध्यक्षहरु तथा कोसी गापाअन्तर्गतका सम्पूर्ण विद्यालयका शिक्षकहरुको सहभागिता रहेको थियो । कोसी जनता माविका प्रअ मोहनकुमार यादवको अध्यक्षतामा कार्यक्रम सम्पन्न भएको श्री अधारभूत विद्यालय श्रीपुरका प्रअ रमेशप्रसाद यादवले जानकारी दिए ।
कोसी गाउपालिकामा ऐतिहासिक सम्मान कार्यक्रम भएकाले अगामी दिनमा निवृत्त भएका शिक्षकहरुलाई हौसला प्रदान हुने यादवको भनाइ छ । शिक्षा शाखा प्रमुख सोमराज ढकाललगायतको सहभागिता रहेको थियो ।
