चिमडी । सुनसरीको बर्जु गाउँपालिकाको चिमडीमा जनता समाजवादी पार्टी बर्जुले दीप प्रज्वलन गरेको छ । जनता समाजवादी पार्टी नेपाल बर्जु गाउँ समितिको आयोजनामा बुधवार साँझ एक कार्यक्रमका बीच दीप प्रज्वलन गरेको हो ।
संसद् विघटन प्रतिगमनको कदम भएको जनता समाजवादी पार्टीले विरोध गर्दै आएको थियो । जनता समाजवादी पार्टी नेपालका केन्द्रीय सदस्य दिनेश मेहताले पुस ५ गतेको संसद् विघटन असवैधानिक र अलोकतान्त्रिक कदम भएकोले संसद् पुनःस्थापना हुनुपर्नेमा जोड दिँदै आएका थिए । संसद् पुनःस्थापना सर्वोच्च अदालतले निर्णय गरेपछि मेहताले आफूहरुले गरेको सडक आन्दोलन सफल भएकाले दीप प्रज्वलन गरी खुशयाली मनाएको बताए ।
केन्द्रीय सदस्य मेहताले सर्वोच्च अदालत माथि जनताको आशा र भरोसा भएकै कारण ठीक समयमा सर्वोच्च अदालतले संसद् विघटनलाई बदरको निर्णय गरेपछि जसपा बर्जुले दीप प्रज्वलन गरेर गाउँघरमा दीपावली मनाएको बताए ।
दीप प्रज्वलन कार्यक्रममा जसपाका केन्द्रीय सदस्य दिनेश मेहता, जिल्ला उपसचिव असोक मेहता , जिल्ला सदस्य दिनेश साह,महानन्द यादव,प्रमान्न्द मेहता, बालकुमार मुदेल, बर्जु बरिष्ठ उपाध्यक्ष मोहन मेहता,उपाध्यक्ष धर्मदेव यादव, बर्जु– ६ का राजकुमार चौधरी, देवकृष्ण पंडित,शिवचरण पंडित र दिपेन यादव लगायतको सहभागिता रहेको थियो ।
