इनरुवा । सुनसरीको हरिनगर गाउँपालिका–४ हरिनगरा बजारमा पनि सर्वोच्च अदालतको निर्णयलाई स्वागत गर्दै दीप प्रज्वलन गरेको छ । नेपाली कांग्रेस हरिनगर गाउँपालिकाको आयोजनामा बुधवार साँझ हरिनगरा बजारमा दीप प्रज्वलन गरेको हो ।
नेपाली कांग्रेस हरिनगर गाउँपालिकाका सभापति शिवहरी श्रेष्ठको नेतृत्वमा हरिनगरा बजारमा सर्वोच्च अदालतले गरेको निर्णयप्रति खुशी व्यक्त गर्दै दीप प्रज्वलन गरिएको हो ।
प्रधानमन्त्री केपी शर्मा ओलीले पुस ५ गते गरेको संसद विघटनलाई सर्वोच्च अदालतले हिजो मंगलवार संसद् विघटनलाई बदर गरेपछि उत्साहका साथ नेपाली कांग्रेसले दीप प्रज्वलन गर्दै दीपावली मनाएका हुन् ।
हरिनगर गाउँपालिका वडा नम्बर १,२ र ४ लगायतको वडामा दीप प्रज्वलन गरी खुशयाली मनाएको नेपाली कांग्रेस हरिनगर गाउँपालिकाका सचिव नइम अन्सारीले बताए ।
दीप प्रज्वलन कार्यक्रममा नेपाली कांग्रेस हरिनगर गाउँपालिकाकी उपाध्यक्ष रिमझिम कुमारी भगत, नेपाली कांग्रेस हरिनगर गाउँपालिकाका सभापति शिवहरी श्रेष्ठ , कांग्रेसका नेताहरु कृष्णप्रसाद देव, हिरालाल पाल, राजेश पाल, अरुण ठाकुर लगायत एक सय ५० जना भन्दा बढीको सहभागिता रहेको थियो ।
