इनरुवा,। सुनसरीको सदरमुकाम इनरुवा-१ स्थित इनरुवा बजार एरियामा दुई अनलाईनको कार्यालय संयुक्त रुपमा उद्घाटन गरिएको छ ।
स्मार्ट २४ न्यूज र सुनसरी पोष्ट अनलाईनको कार्यालय इनरुवा नगरपालिका उपप्रमुख जमुना गौतम पोखरेल र हरिनगर गाउँपालिकाका प्रमुख प्रशासकिय अधिकृत भक्तबहादुर खड्काले संयुक्त रुपमा उद्धघाटन गर्नुभयो ।
कार्यालयको प्रवेशद्धारमा लगायको रिवन काटेर स्मार्ट २४ न्यूज र सुनसरी पोष्ट अनलाईनको उद्घाटन गरिएको हो ।
एक वर्षदेखी सुनसरीको इनरुवा देखि दक्षिण क्षेत्रलाई चिनाउने उद्देश्यले स्मार्ट २४ न्यूजले नियमित रुपमा आम नागरिक सम्म सूचना पुगाउदै आइरहेको छन् ।
स्मार्ट २४ न्यूजले सुनसरी जिल्ला सदरमुकाम इनरुवादेखि दक्षिण भुटाहाका पहिलो अनलाइन म्यागजिन हो। ‘स्मार्ट२४न्यूज’ हरिनगर गाउँपालिकाका जागरुक युवाहरुको पहलमा संचालनमा आएको यस अनलाइन म्यागजिनले
‘विश्वसंग सुनसरीको दक्षिण ग्रामिण क्षेत्र भुटाहालाई जोड्ने’ अभियान अन्तर्गत समाचार, विचार, मनोरञ्जन, खेलकुद, विश्व समाचार, अन्तर्वार्ता, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेट्ने कोशीस गरेका छन् ।
कार्यालय उद्घाटन गर्नुहुदै प्रमुख अथिति पोखरेलले संचारको विकासका लागि दुवै न्यूज अनलाईनले योगदान गर्ने बताउनुभयो । वहाँले सही, सूचना, समाचार र सन्देश प्रवाह गर्न समेत शुभकामना दिनुभयो । कार्यक्रममा विषेश अथिति खड्काले सूचनाको हक प्रत्याभुतीका लागि दुवै अनलाईनले योगदान गर्ने र सही सूचना प्रवाह गर्ने विशवास व्यक्त गर्नुभयो ।
त्यसैगरी नेपाल पत्रकार महासंघका प्रदेश सदस्य तथा गोरखापत्र दैनिकका जयकृष्ण यादवले देशमा पत्रिका, अनलाईन र रेडियोको संख्या बढेपनि गुणस्तर खस्कदै गएकाले त्यसमा चिन्ता व्यक्त गर्दै नागरिकको सूचनाको हक सुसुचित हुने अधिकारको प्रत्याभुती गराउन, निडर र निर्भिक भएर दुवै अनलाईनलाई काम गर्न शुभकामना दिनुभयो ।
सूचना र संचार क्षेत्रमा यस अनलाईनले महत्वपूर्ण योगदान गर्ने, आबाज विहिनको आबाज बन्ने विशवास व्यक्त गर्नुभयो । कार्यक्रममा पत्रकार टोमराज मेहता,दिपेन्द्र यादव, प्रमोद यादव, गणेश यादव, तवरेज आलम, अजमल नेपाली, सुनसरी पोष्टका असलम हुसेन, शशी कोईराला, अमर काफ्ले , समाजसेवी जयप्रकाश साह, आम्बिका घिमिरे सहितका सरोकारवालाहरुको उपस्थिती रहेको थियो ।कार्यक्रम स्मार्ट साझा मिडिया प्रालिका अध्यक्ष नसीम अंसरीको अध्यक्षतामा सम्पन्न भएको थियो । 
