हरिनगरा । सुनसरीको हरिनगर गाउँपालिकामा सम्पन्न व्याडमिन्टन प्रतियोगिताको फाइनल हरिनगर माध्यमिक विद्यालयकी छात्रा गुञ्जा साह विजेता भएकी छिन् । हरिनगर गाउँपालिकाकी उपाध्यक्षले प्रथम ब्याडमिन्टन प्रतियोगिताको फाइनलमा गुञ्जा साहले दुई राउण्डमा बढी पोइन्ट ल्याएर प्रथम भएकी छिन् ।
उनी हरिनगर माध्यमिक विद्यालयको कक्षा ९ मा अध्ययनरत रहेकी छिन् । प्रतियोगिता सुरु भएदेखि नै साहले राम्रो अंक ल्याउँदै फाइनल खेलमा प्रवेश गरेकी थिइन् । साहले फाइनल खेलमा पनि आफ्नो राम्रो प्रस्तुति गेरर प्रथम भएकी छिन् । प्रथम भएकी साहलाई मेडल र शिल्ड प्रदान गरिएको छ ।
सोमबार फाइनल खेलमा हरिनगर माध्यमिक विद्यालयकी कक्षा १२ मा पढ्ने प्रियंका स्वर्णकारले आफनो राम्रो प्रस्तुति गर्दा पनि उनी दोश्रो भएकी छिन् । उपाध्यक्ष विद्यालयस्तरीय छात्रा ब्याडमिन्टन प्रतियोगिताको फाइनल खेलमा स्वर्णकार दोश्रो भएकी हुन् । दोश्रो हुने स्वर्णकारलाई पनि मेडल र शिल्ड प्रदान गरिएको छ ।
हरिनगर गाउँपालिकाकी उपाध्यक्ष रिमझिमकुमारी भगत, शिक्षा शाखाका अजितकुमार मल्लिक, हरिनगर माविका प्रधानाध्यापक बलराम मण्डल र शिक्षक सत्यनारायण मेहताले प्रथम गुञ्जा साह र दोश्रो प्रियंका साहलाई संयुक्त रुपमा शिल्ड र मेडल प्रदान गरेका छन् ।
उपाध्यक्ष विद्यालयस्तरीय छात्रा ब्याडमिन्टन प्रतियोगिताले विद्यालयमा अध्ययनरत छात्राहरुको सर्वाङ्गिण विकास र खेलकुदप्रति रुचि बढाउनका लागि छात्रा ब्याडमिन्टन प्रतियोगिताको प्रथम पटक आयोजनाले खेलकुदमा पनि फड्को मारेको उपाध्यक्ष रिमझिमकुमारी भगतले बताइन् ।
जकात फाउन्डेशन नेपाल हरिनगर–६ को आयोजना र हरिनगर गाउँपालिकाको सहयोगमा उपाध्यक्ष विद्यालयस्तरीय छात्रा ब्याडमिन्टन प्रतियोगिता सोमबार सम्पन्न भएको कार्यक्रम संयोजक विकास भगतले बताएका छन् ।
ब्याडमिन्टन प्रतियोगिता माघ २९ गते बिहीबारबाट सुरु भएको थियो । सो प्रतियोगिता सोमबार फाइनलमा प्रथम र दोश्रो भएकाहरुलाई पुरस्कार वितरण गरिएको आयोजक संस्थाका नजाम अन्सारीले जानकारी दिएका छन् ।
