इटहरी । दक्ष र व्यावसायिक पत्रकार तयार गर्न सोमबारदेखि इटहरी र इनरुवामा एक हप्ते आधारभूत पत्रकारिता तालिम सुरु भएको छ ।
राज्य, समाज र नागरिकप्रति बढी उत्तरदायी क्षेत्रमध्येको एउटा क्षेत्र पत्रकारिता भएकाले गर्दा नेपाल पत्रकार महासंघले भर्खरै पत्रकारितामा प्रवेश गरेकालाई तालिम दिएको हो ।
नेपाल पत्रकार महासंघले नेपालले देशभरका ११ वटा जिल्लासँग समन्वय गरी तालिम गर्ने क्रममा सुनसरीको इटहरी र इनरुवाबाट सुरु गरेको नेपाल पत्रकार महासंघ केन्द्रीय कार्यालय तालिम व्यवस्थापक संघर्ष पन्तले बताइन् । सञ्चार गृहकै सिफारिस अनुसार तालिमलाई सहभागिता रहेको जानकारी दिइयो ।
तालिम उद्घाटनका क्रममा इटहरीमा नेपाल पत्रकार महासंघका पूर्व केन्द्रीय अध्यक्ष धमेन्द्र झा र इनरुवामा जिल्ला समन्वय समितिका प्रमुख गोपालराज भण्डारी प्रमुख अतिथि रहेका थिए ।
कार्यक्रम नेपाल पत्रकार महासंघ सुनसरी शाखा अध्यक्ष अमर खड्काको सभापत्विमा भएको थियो ।
तालिममा इटहरी र इनरुवामा गरी ४० जनाभन्दा बढीको सहभागिता रहेको जिल्ला नेपाल पत्रकार महासंघ केन्द्रीय कार्यालयका तालिम प्रमुख हिरन्य जोशीले जानकारी दिए । तालिम नेपाल पत्रकार महासंघ केन्द्रको आयोजना र जिल्ला शाखाको समन्वयमा भएको हो ।
