राजविराज । १११ औं अन्तर्राष्ट्रिय श्रमिक महिला दिवसको अवसरमा दुई पालिका स्तरीय सामुदायिक बिद्यालयको छात्राहरु बिच आज जनता माध्यमिक बिद्यालयमा बक्तृत्वकला प्रतियोगिता सम्पन्न भएको छ।
अखिल नेपाल महिला संघको केन्द्रिय सचिवालय सचीव रन्जु झा ठाकुरको बिशेश उपस्थिति र तिलाठी कोइलाडी तथा महादेवा गाउँपालिका कमिटीको संयुक्त आयोजनामा सम्पन्न भएको कार्यक्रममा उक्त गाउँपालिका भित्रका पाँच वटा सामुदायिक बिद्यालयहरुको सहभागितामा सम्पन्न भएका हुन।प्रत्येक बिद्यालयबाट दुईटा छात्राहरू प्रतियोगीको रुपमा सहभागीहरुले “महिला हिंसा न्यूनीकरणमा हाम्रो भुमिका “शिर्षकमा आआफ्नो तर्कहरु प्रस्तुत गरेका थिए ।
तिलाठी कोइलाडी गापा अन्तर्गतको लक्ष्मी बल्भ नरसिंह माध्यमिक बिद्यालय बभनगामाकट्टी ,श्री पब्लिक माध्यमिक बिद्यालय तिलाठी लौँनिया र जनता माध्यमिक बिद्यालय तोपा तथा महादेवा गाउँपालिका भित्रको श्री द्वारिका श्री लाल सातनी यादव माध्यमिक बिद्यालय बथनाहा र श्री नर बहादुर थापा माध्यमिक बिद्यालय पकरीबाट दुई दुई जना छात्राहरुको सहभागिता रहेको थियो।
सहभागी मध्ये प्रथम मा.बि.बभनगामाकट्टीको चाँदनी नायक ,दोस्रो मा.बि.बथानाहाकि रुहि तिवारी र तृतीय मा.बि.तिलाठी लौँनिया कि कल्पना कुमारी मंडल भएकी थिइन ।यसैगरी सान्त्वना पुरस्कार पाउनेमा मा.बि.तोपाकी लक्ष्मी ठाकुर रहेकी थिइन।
कार्यक्रममा अनेम संघको केन्द्रिय सचिवालयकि सचिव रन्जु झा ठाकुरको विशेष उपस्थितिमा सम्पन्न कार्यक्रममा महादेवा गापा कमिटीकि सहसंयोजक दुख्नी देवि यादव,तिलाठी कोइलाडी गापाकी उपप्रमुख सुजिता यादव तथा निर्णायक समितीमा सकुन्तला देवि यादव,अरहुल कुमारी साह र ललिता झा लगायत ५० जनाहरुको सहभागिता रहेको थियो।
