चन्दन मेहता
सुनसरी । सुनसरीको देवानगंजको पम्पहरुबाट पुनः तस्करी सुरु भएको छ । केही दिनदेखी पम्पबाट पुनः तस्करी सुरु भएपछि प्रहरी मौन रहेको स्थानीयहरुको भनाई छ ।
भारतसँग जोडीएको घुस्की, साहेवगंज र साविकको कप्तानगंज नाकाबाट दैनिक डिजेल र पेट्रोलको तस्करी हुने गरेको छ । स्थानियका अनुसार दैनिक त्यहाँबाट ठूलो गिलनमा डिजेल र पेट्रोल हाली राखेर तेल तस्करी सुरु भएको हो । देवानगंजको गुप्ता आयत ट्रेडर्स र भगत आयत ट्रेडर्सबाट तेल तस्करी भैरहेको स्थानीयहरुले गुनासो गरेका छन् ।
देवानगंजका स्थानीय दीलीप यादवका अनुसार त्यहाँबाट दैनिक लगभग ३ हजार लिटर तेल तस्करी भैरहेको छ । मोटरसाइकलमा राखेर तेल तस्कर भैरहेको उनले बताए । बोर्डरमा सशस्त्र प्रहरीले निगरानी गरिरहेको भएपनि तस्करी रोकिन नसकेको उनको भनाई छ ।
त्यहाँका किसानलाई पेट्रोल पम्पले तेल नभएको भन्दै फर्काउदा किसानहरु भने विराटनगर आउन बाध्य छन् । तर, तिनै पेट्रोलपम्हरूले भारत तस्करी गर्न तेल जतिपनि दिने गरेको अर्का स्थानिय कृषक महेश मेहताले बताए । उनले भने, ‘हामी जाँदा तेल छैन् भनेर फर्काउने गरेको छ । तर तस्करहरुलाई लिटरमा ५ रुपैँया सम्म महंगोमा बेच्ने गरेको पाईयो ।’
त्यहाँका पेट्रोल पम्ममा भारतीय नम्बर प्लेटका मोटरसाइकल साथै त्यँहीका तस्करहरुले ग्यालेनमा तेल राखेर तस्कर गर्ने गरेका छन् । तस्करहरुले तेल भारतीय बजार घुर्ना, फुल्काहा लगायतका अन्य स्थानमा पुर्याउने गरेको स्थानियको भनाई छ ।
ईलाका प्रहरी कार्यालय देवानगंजका प्रहरी इन्चार्ज गजेन्द्र प्रसाद श्रेष्ठले भने तेल तस्करी नभएको बताएका छन् ।
उनले भने, ‘यहीँका स्थानिय किसानले तेल लग्ने गरेका छन्, तस्करी भएको अवस्था छैन् ।’ स्थानियले नै भारतीय नम्बर प्लेटका मोटरसाइकल चलाउछन, उनले भने ‘त्यही कारण तेल तस्करी भएको सोचाई आएको हुनसक्छ ।
