इनरुवा । सुनसरीको राजाजी रामजी महतो माध्यमिक विद्यालय इनरुवा–२ का ४७ बालबालिकालाई पोशाक वितरण गरिएको छ । होटल तपोवन–२ गोङ्गबु काठमाण्डौंको आयोजनामा सोमवार ४७ बालबालिकाहरुलाई पोशाक वितरण गरिएको हो ।
होटल तपोवन–२ का संचालक पूर्व कृषिराज्य मन्त्री लक्ष्मण मेहताका छोरा मनोज मेहताको आर्थिक सहयोगमा राजाजी रामजी महतो माध्यमिक विद्यालयका विधार्थीहरुलाई विद्यालय पोशाक वितरण गरिएको समाजिक अभियन्ता उपेन्द्र मेहताले बताएका छन् ।
सो विद्यालयमा अध्ययनरत विद्यार्थीहरुलाई विद्यालय पोशाक एक कार्यक्रमकाबीच विद्यार्थीहरुलाई हस्तान्तरण गरिएको हो । विपन्न तथा आर्थिक अवस्था कमजोर भएका विद्यार्थीहरुको नामावली छनौट गरेर सोमवार उनीहरुलाई विद्यालय पोशाको कपडा हस्तान्तरण गरिएको सामाजिक अभियन्ता चन्दन गुप्ताले बताए ।
कक्षा–१ देखी कक्षा–८ सम्मका गरिब तथा जेहेन्दार विद्यार्थीहरुलाई विद्यालय पोशाकको कपडा वितरण गरिएको आयोजकले जनाएको छ ।
बेलायतको लन्डनमा रहेका मनोज मेहताले विद्यार्थीहरुको आर्थिक अवस्था कमजोर भएका अति विपन्न र जेहेन्दार विद्यार्थीहरुको लागि पोशाक वितरण गरिएको बताए । विद्यार्थीहरुले पोशाक लगाएर विद्यालयमा अध्ययन र अध्यापन गर्न उनले अनुरोध समेत गरेका छन् ।
मेहता लन्डन बसेपनि लामो समयदेखी सामाजिक कार्यमा योगदान पु¥याउँदै आएका छन् । विपदको बेला पनि लन्डनबाट सामाजिक कार्यमा सहयोग गर्ने गरेका छन् । कोरोना भाइरसको समयमा पनि उनले राहत वितरण गरेका थिए ।
मनोज मेहताले गरीव तथा विपन्न परिवारको लागि सदैव चिन्ता राख्ने सामाजिक अभियान्ताका रुपमा परिचित हुँदै आएको बुद्धिजिवीहरुको भनाई छ । आफनो देश छाडेर अरुको मुलुकमा श्रम गर्ने मनोज मेहताले सुनसरीबासीको लागि बिभिन्न कालखण्डमा योगदान पु¥याउँदै आएका छन् ।
मनोज मेहताले आफनो मुलुक छाडेर गएपनि सुनसरीबासीको लागि माया, स्नेह र प्रेमलाई सदैव आत्मसाथ गरेर सहयोग गर्ने कार्यलाई निरन्तरता दिँदै आएको छ । सामाजिक अभिन्यताको नेतृत्व गर्ने सक्षम युवा नेताका रुपमा परिचित भएका छन् ।
स्थानीय तहको निर्वाचनमा तत्कालिन मधेशी जनअधिकार फोरम नेपालको तर्फबाट इनरुवा नगरपालिकाको मेयर पदमा चुनाबी मैदान उत्रिएका थिए ।
मनोज मेहताले इनरुवा नगरपालिकाको मेयर पदमा टिकट पाएर चुनाबी मैदानमा होमिएर जित्न सफल भएका थिएन् तथापी इनरुवा नगरबासीको चिन्ता राख्ने सक्षम युवा नेताका रुपमा नै समाजसेवामा अग्रणि भूमिका निर्वाह गर्दै आएको सर्वत्र चर्चा भइरहेको छ ।
राजाजी रामजी महतो माध्यमिक विद्यालयका प्रधानाध्यापक नारायण मेहताले बेलायको लन्डनबाट पनि विद्यार्थीहरुप्रति देखाएको सहयोगी मनलाई धन्यवाद व्यक्त गरेका छन् । प्रअ मेहताले पोशाक विना नै विद्यार्थीहरु विद्यालय आउने गरेकाले सामाजिक अभियन्ताहरुको पहलमा ४७ जना विद्यार्थीहरुलाई पोशाक कपडा वितरण गरिएकोले विद्यार्थीहरुको मनोवल उच्च हुने बताए ।
विद्यार्थीहरुले पोशाक लगाएर विद्यालय आउने विश्वास उनले व्यक्त गरे । प्रअ मेहताले पुर्व कृषि राज्य मन्त्री लक्ष्मण मेहताले विगतका दिनमा यस विद्यालयलाई दुईवटा कम्प्युटर समेत हस्तान्तरण गरेको बताए । उनकै छोरा मनोज मेहताले विद्यार्थीहरुलाई पोशाक वितरण गरेर विद्यार्थीहरुलाई प्रोत्साहन गरेकोले विद्यालयको परिवारको तर्फबाट उनले अभार प्रकट समेत गरेका छन् ।
प्रअ मेहताले विद्यार्थीहरुले पाएको पोशाकको कपडाले उनीहरुलाई अध्ययन गर्न थप मदत पुग्ने समेत बताए । उनका अनुसार इनरुवा नगरपालिकाको सामुदायिक विद्यालयहरु मध्ये राजाजी रामजी महतो माविलाई छनौट गरेर गरिव तथा विपन्न विद्यर्थीहरुलाई पोशाक वितरण गरेको कार्य प्रशंसा योग्य रहेको छ ।
सामाजिक अभियन्ताहरु उपेन्द्र मेहता, रामचन्द्र मेहता, मुकेश मेहता, चन्दन गुप्ता, दिलिप मेहता, धुव्र पंडित लगायतको पहलमा होटल तपोवनको आयोजनामा लन्डनबाट मनोज मेहताको आर्थिक सहयोगबाट पोशाक वितरण गरिएको छ ।
