हरिनगर । सुनसरीको हरिनगर गाउँपालिका स्थित हरिनगर प्राथमिक स्वास्थ्य केन्द्र हरिनगरलाई एक्स–रे मेसिनका आवश्यक समाग्री प्रदान गरिएको छ ।
हरिनगर गाउँपालिकाको सहयोगमा एक्स–रे मेसिनका आवश्यक समाग्री प्रदान गरिएको हो । हरिनगर गाउँपालिकाका अध्यक्ष गफार अन्सारी मियाँले एक कार्यक्रमकाबीच एक्स–रे मेसिनका एक्स–रे फिल्म, क्यासेट, कुर्सी, टेबुल, पंखा लगायत आवश्यक समाग्रीहरु हस्तान्तरण गरेका हुन् ।
हरिनगर प्राथमिक स्वास्थ्य केन्द्रमा एक्स–रे मेसिन भएपनि केही समाग्रीका कारण सञ्चालन हुन नसकेपछि बिरामीहरुलाई समस्या हुने गरेकोले पालिकाले आवश्यक समाग्रीहरु सोमबार हस्तान्तरण गरेको प्राथमिक स्वास्थ्य केन्द्रका प्रमुख माधवलाल देवले बताएका छन् ।
प्राथमिक स्वास्थ्य केन्द्रमा एक्स–रे मेसिन आएको दुई वर्ष बित्दा समेत सञ्चालन हुन नसकेको गुनासो बढेपछि हरिनगर गाउँपालिकाको सहयोगमा एक्स–रे मेसिनलाई चाहिने आवश्यक समाग्रीहरु प्रदान गलरिएको छ ।
हरिनगर गाउँपालिकाका अध्यक्ष गफार अन्सारी मियाँले प्राथमिक स्वास्थ्य केन्द्रमा एक्स–रे मेसिन हुदाँपनि सेवाग्राहीहरुले सेवा नपाएको गुनासोलाई मध्यनजर गर्दै पालिकाबाट समाग्रीहरु उपलब्ध गराएको बताए । उनले एक्स–रे मेसिनमा केही समाग्री अभावका कारण मेसिन सञ्चालनमा कठिनाई आएकोले उक्त समाग्रीहरु उपलब्ध गराएको बताए ।
सो मेसिनमा एक÷दुई वटा अझै समानहरु नभेटाएकोले ल्याउन नसकेको उनले बताए । समानहरु भेटिनै बितिकै खरिख गरेर ल्याउने अध्यक्ष अन्सारीको भनाई छ । एक्स–रे का कारण बिरामीहरु अन्यत्र महँगो रकम तिरेर गर्ने गरेका छन्, त्यसलाई सस्तो र सुलभ रकममा हरिनगर प्राथमिक स्वास्थ्य केन्द्रबाटै एक्स–रे सेवा सुचारु अध्यक्ष अन्सारीले गर्ने बताए ।
प्राथमिक स्वास्थ्य केन्द्रलाई सुदृढिकरण अभियान अन्र्तगत चाहिने आवश्यक समाग्रीहरु पनि उपलब्ध गराएको छ । सो क्षेत्रमा एक मात्र रहेको प्राथमिक स्वास्थ्य केन्द्रलाई व्यवस्थित र मर्यादित बनाउन र समयमै सेवा प्रवाह हुने गरी योजना बनाएर अगाडि बढाएको अध्यक्ष अन्सारीले बताए । स्वास्थ्य क्षेत्रलाई पनि आफूले बिशेष प्राथमिकतामा राखेर योजनाहरु अगाडि बढाएको उनले बताए ।
हरिनगर गाउँपालिकाका प्रमुख प्रशासकीय अधिकृत भक्तबहादुर खड्काले मानव जीवनलाई ख्याल गरि पालिकाले स्वास्थ्य क्षेत्रमा बिशेष ध्यान दिएको बताए । पालिकाभित्र एक मात्र प्राथमिक स्वास्थ्य केन्द्र भएकोले यसलाई आवश्यक जनशक्ति र समाग्रीहरु पालिकाबाट प्रदान गरि नमुना बनाउन आफूहरु लागि परेको उनले बताए ।
एक्स–रे सञ्चालनका लागि केही समाग्रीहरु कमी भएकोले सञ्चालनमा आउन नसकेको अधिकृत खड्काको भनाई छ । एक्स–रे मेसिनमा चाहिने आवश्यक समाग्रीहरु उपलब्ध गराएकोले केही दिनमै सञ्चालन हुने अधिकृत खड्काले बताए । प्राथमिक स्वास्थ्य केन्द्र हरिनगरबाटै एक्स–रे सञ्चालन भएपछि सेवा लिनका लागि सेवाग्राहीहरुलाई उनले अनुरोध समेत गरेका छन् ।
हरिनगर गाउँपालिकाको स्वास्थ्य शाखाका प्रमुख प्रकाश थापा मगरको नेतृत्वमा प्राथमिक स्वास्थ्य केन्द्रलाई चाहिने आवश्यक समाग्रीहरु प्रदान गरिएको हो ।
हरिनगर गाउँपालिकाका अध्यक्ष गफार अन्सारी मियाँ, प्रमुख प्रशासकीय अधिकृत भक्तबहादुर खड्का, स्वास्थ्य प्रमुख प्रकाश थापा मगरले प्राथमिक स्वास्थ्य केन्द्रका प्रमुख माधवलाल देवलाई हस्तान्तरण गरिएको थियो ।
