इनरुवा । नेपाल ठाकुर समाज सुनसरीको प्रथम जिल्ला अधिवेशनबाट राजकुमार ठाकुरलाई अध्यक्षमा सर्वसम्मतबाट चयन गरेका छन् । राजकुमार ठाकुरको अध्यक्षतामा १० कार्यसमिति चयन भएका हुन् । उपाध्यक्षमा होमेश्वर ठाकुर, सचिवमा लक्ष्मी कुमारी ठाकुर, सहसचिवमा अनिल ठाकुर, कोषाध्यक्षमा कमल ठाकुर चयन भएका हुन् ।
सदस्यहरुमा पर्शुराम ठाकुर, कृष्णदेव ठाकुर, सुर्य नारायण ठाकुर, बिरेन्द्र ठाकुर र भोला ठाकुुर सर्वसम्मतबाट चयन भएको ठाकुर समाज सुनसरीले जनाएको छ । ठाकुर समाजमा चयन भएका १० जनालाई नेपाल ठाकुर समाजका केन्द्रीय अनिरुद्र प्रसाद ठाकुर र इनरुवा नगरपालिकाका नगरप्रमुख राजन मेहताले प्रमाणपत्र वितरण गरेका छन् । ठाकुर समाज सुनसरीका अध्यक्ष राजकुमार ठाकुरले बैठकबसी कार्यसमिति विस्तार गर्ने जनाएको छ ।
उनले ठाकुर समाजललाई संगठित बनाएर अगाडि बढाउने प्रतिवद्धता व्यक्त गरेका छन् । अध्यक्ष भएर ठाुकर समाजको लागि नमुना कार्य गर्ने र ठाकुरहरुको पहिचानको लागि संघर्ष जारी राख्ने उनले विश्वास व्यक्त गरेका छन् । सुनसरीका रहेका ठाकुरहरुको तथ्याङ्क संकलन गरी उनीहरुलाई सबै तहमा रोजगारी सिर्जना गर्न दवावमुलक कार्यक्रमहरु घोषणा गर्ने उनले बताए ।
पुर्खयौली पेशालाई ठाकुर समाजका अगुवाहरुले संरक्षण गर्दै आएकोले समुदायमा जन्मदेखी मृत्युसम्म शुद्धीकरण गर्ने कार्य गरेकोले ठाकुरहरुको योगदानको कदर गर्ने आवश्यक रहेको समेत उनले बताए । ठाकुर समाज सबै स्थानीय तहमा गठन गरी संगठित बनाउने कार्यलाई तिब्रता दिइने समेत अध्यक्ष राजकुमार ठाकुरले सुनसरी अनलाइनलाई बताए । ठाकुरहरुको हकअधिकारलाई सुनिश्चितता गर्ने तर्फ अहम भूमिका खेल्ने समेत उनको भनाई छ ।
