चिमडी । सुनसरीको बर्जु गाउँपालिका–६ चिमडीमा आगलागी हुदाँ ११ घर जलेर पूर्णनष्ट भएको छ । बिहिवार दिउँसो आगलागि हुदाँ ११ वटा घर जलेर नष्टहुदाँ २० लाख भन्दा बढीको क्षति भएको हो । बर्जु गाउँपालिका–६ का प्रभु ऋषिदेव, चोकी ऋषिदेव, विजय ऋषिदेव, संजय ऋषिदेव, बाबुराम ऋषिदेव, लक्ष्मण ऋषिदेव र लवदिया ऋषिदेवको जम्मा ११ वटा घर जलेर नष्ट हुदाँ २० लाख भन्दा बढीको क्षति भएको सुनसरी प्रहरीले जनाएको छ ।
बर्जु–६ को प्रभु ऋषिदेवको घरमा रहेको विधुतिय मिटरबाट आगो लागेपछि उनका छिमेकीहरुको समेत घर जलेर नष्ट भएको स्थानीयहरुले बताएका छन् । आगो नियन्त्रण गर्न बारुण यन्त्र, स्थानीयबासी, जनपथ प्रहरी, सशस्त्र प्रहरीको सक्रियतामा आगोलाई नियन्त्रण लिएको थियो । ऋषिदेव(मुसहर) समुदायमा आगलागी हुदाँ उनीहरुलाई बस्न समस्या भएको अग्निपीडितहरुले गुनासो गरेका छन् । आगलागी भएपछि उनीहरु बिचल्लीमा परेका छन् । अग्निपीडितहरुलाई तत्काल राहत उपलब्ध गराउनुपर्ने स्थानीयबासीहरुले माग गरेका छन् ।
