इनरुवा । राजी पाड्हा सरना प्रार्थना सभा नेपाल केन्द्रीय कार्यालय इनरुवा सुनसरीको प्रथम साधारणसभाबाट रामकिसुन उराँवको अध्यक्षतामा ११ सदस्यीय कार्यसमिति चयन गरेका छन् । उपाध्यक्षमा सम्पतालाल उराँव, सचिव रविन्द्र उराँव, सहसचिव छोटेलाल उराँव, कोषाध्यक्ष अन्जु देवी उराँवलाई सर्वसम्मतबाट चयन गरेका हुन् ।
सदस्यहरुमा रामदेव उराँव, मिनु उराँव, ममता उराँव, सजिव उराँव, सुमित्रा उराँव र रामटकवाल उराँव रहेका छन् । सल्लाहकार समितिमा सूर्यदेव दास उराँव, डोमनदास उराँव, कदमलाल उराँव, श्यामलाल उराँव, प्रेमलाल उराँव, राजकुमारी उराँव, सोमनी उराँव, खड्ग नारायण उराँव, दिपेन्द्र उराँव र विष्णु उराँव रहेका छन् ।
राजी पाड्हा सरना प्रार्थना सभा नेपाल केन्द्रीय कार्यालय इनरुवा सुनसरीका अध्यक्ष रामकिसुन उराँवले संस्थाको मर्म र भावना अनुसार काम गर्ने प्रतिवद्धता व्यक्त गरेका छन् ।
अध्यक्ष रामकिसुनले उराँव जातिहरुको हकअधिकार प्राप्तिका लागि आवाज उठाउने र उराँव जातिको धार्मिक, सांस्कृतिक मौलिक पहिचान कायम गराउन अहोरात्र काम गर्ने समेत बताएका छन् । सबैलाई समेटेर अगाडि बढने र कसैलाई काखा पाखा नगरी उराँव जातिको लागि राज्यसंग अधिकार प्राप्तिका लागि संघर्ष गर्नेसमेत उनले बताएका छन् ।
२०७८ मा हुने जनगणनामा उराँव जातिहरुलाई समावेश गरि यकिन तथ्याङ्क निकाल्न राज्यले ध्यान दिनुपर्ने उनले बताउँदै उराँव जातिको प्रकृति पूजक ‘सरना धर्म’ भएकाले राज्यले सरना धर्मको कोड दिनुपर्ने बताए ।
कार्यक्रमका प्रमुख अतिथि पूर्व सांसद तथा नेपाली कांग्रेसका केन्द्रीय सदस्य सूर्यदेव दास उराँव, विशिष्ट अतिथि डोमनदास उराँव, राजकुमारी उराँव, सम्पतलाल उराँव, धुव्रलाल उराँव, कदमलाल उराँव, रामदेव उराँव, देवनारायण साह लगायतले उराँव जातजातिको पहिचान, संस्कृति र परम्परालाई जर्गेना गर्न आवश्यक रहेको बताए ।
