भण्टाबारी ।“मर्यादित व्यवसाय र प्रविधिमा सहकारी” भन्ने नाराका साथ सुनसरीको भोक्राहा नरसिंह गाउँपालीकामा ६४ औं राष्ट्रिय सहकारी दिवस मनाइएको छ । सहकारी दिवसका अवसरमा शुक्रबार आयोजित कार्यक्रममा सजिलो कृषि सहकारी संस्थाले उत्कृष्ट बचतकर्ता र ऋणीलाई सम्मान गरेको छ ।
सजिलो कृषि सहकारी संस्था भोक्राहा नरसिंह गाउँपालीका ६ का अध्यक्ष हाजी डाक्टर इसराइल मन्सुरीका अनुसार सहकारी दिवसको अवसर पारेर तीनजना उत्कृष्ट बचतकर्ता र नियमितरूपमा ऋण चुक्ता गर्ने दुईजना गरी पाँचजना सम्मानित भएका छन् ।
सम्मानपत्रसहित सम्मानित हुनेहरुमा उत्कृष्ट बचतकर्ताबाट विनोद पौडेल, सुनिल पौदार र नजाम रैन छन् भने समयमै ऋण चुक्ता गर्ने सुभाष शर्मा र सकिल अहमद छन् ।
सजिलो कृषि सहकारी संस्थाले किसानका लागि सुलभ दरमा मल बिउ उपलब्ध गराउनुका साथै सस्तो ब्याजदरमा ऋण दिएर गरिब र निम्नवर्गीय सर्वसाधारण आत्मनिर्भर बनाउन भूमिका खेल्दै आएको अध्यक्ष मन्सुरी बताउँछन् ।
गाउँमै सहकारी संस्था संचालन आएपछि सर्वसाधारणमा बचत गर्ने बानीको विकास भएको उनले बताए । सजिलो कृषि सहकारी संस्थामा दुईसय बढी बचतकर्ता रहेका छन् ।
श्रोत : www.blastkhabar.com/
