देवानगंज । सुनसरीको देवानगंजबाट भारततर्फ लैजाँदै गरेको अवस्थामा तिन सय लिटर डिजल सहित दुई जनालाई प्रहरीले पक्राउ गरेको छ ।
शुक्रबार ईलाका प्रहरी कार्यालय देवानगंजको टोलीले देवानगंज गाउँपालिका वडा नं- ७ बस्ने २९ वर्षीय इन्द्रनारायण यादव र २५ वर्षीय गणेश प्रसाद यादवलाई तिन सय लिटर डिजल सहित पक्राउ गरेको हो।
शुक्रवार बिहान विशेष सुराकीको आधारमा इलाका इन्चार्ज गजेन्द्र बहादुर श्रेष्ठको नेतृत्वमा खटिएको टोलीले उनीहरूलाई पक्राउ गरेको हो । बिहान ९ बजे देवानगंज गाउँपालिका ३ को बाईपास बाटोमा डिजल भारत तर्फ लैजाँदै गरेको अवस्था मा प्रहरीले तीन सय लिटर डिजल दुवै जनालाई पक्राउ गरिएको हो । अन्य एक जन भने फरार छन् ।
को ३० प २९९० नम्बर को चालक फरार भएको ईलाका प्रहरी कार्यालय देवानगन्जले जनाएको छ । डिजल सहितको नियन्त्रणमा परेका २ जना र मोटरसाइकल जिल्ला प्रहरी कार्यालय सुनसरीमा पठाएको उक्त कार्यालयले जनाएको छ ।
