इनरुवा । बर्जु गाउँपालिका–१ का सुभाष चौधरीको घरमा गत फागुन ६ गते मध्यराति हतियारसहिर्त लुटपाट गर्ने पाँच जनालाई सुनसरी प्रहरीले पक्राउ गरेको छ ।
पक्राउ पर्नेमा बर्जु गाउँपालिका– १ बस्ने ३६ वर्षीया सृजना चौधरी, श्रवन उराँव , छाताबेला टोलका २८ वर्षीय मर्तुजा मियाँ, मोरङको बुढीगंगा गाउँपालिका– ४ का ३० वर्षीय अजिम मियाँ, इटहरी उपमहानगरपालिका– १३ खनार का ३२ वर्षीय नमाजुद्दिन आलमलाई जिल्ला प्रहरी कार्यालय सुनसरीले आइतवार पत्रकार सम्मेलन गरी सार्वजनिक गरेको छ । पाँचजनालाई पक्राउ गरिएपनि एकजना भने फरार रहेको सुनसरी प्रहरीले पत्रकार सम्मेलनमा जानकारी गराएको छ ।
२०७७ साल जेठ २३ गते मध्यराति गाउँका केहि मानीस आएर सुभाष चौधरी की भतिजि बुहारी सृजर्ना चौधरीको घर तथा उनको स्कुटर तोडफोड गरेका थिए । घटनाको इलाका प्रहरी कार्यालय दुहवीमा सृजनाले मुद्दा दर्ता गराएपनि श्रीमानले पाउनु पर्ने पैत्रिक सम्पती बेचबीखन गरेको ३० लाख समेत नदिएको र घरमा समेत काका ससुराले नै तोडफोड गराएको रिसिवी साध्ने सोच बताएर उक्त सृजनाले अन्य ४ जनालाई घरमा बोलाई योजना बताएकोे जिल्ला प्रहरी कार्यालय सुनसरीले जनाएको छ ।
२०७७ साल फागुन ६ गते रातको ३ बजे सुनसरीको बर्जु गाउँपालिका–१ वस्ने सुभाष चौधरीको घरमा हतियारधारी डाकाको समुह आई सुभाष चौधरी लगायत घर परिवारलाई कुटपिट गरी घरमा भएको नगद ५४ हजार रुपैयाँ समेत लुटेर लगेका थिए ।
योजनाकार सृर्जनाका भाई प्रवेश चौधरी जवरजस्ती करणी मुद्दामा २०७५ साल देखी झुम्का कारागारमा रहेका छन् । सृजनाका भाईलाई भेट्न कारागार गएका बेला चोरी मुद्दामा कारागारमा रहेका मर्तुजा र अजितसंग भेट हुन्छ ।
सृजनाले कारागार मुक्त भएपछि आफ्नो भागमा पर्ने ३० लाख काका ससुराले आफ्नो घरमा राखेको र त्यसलाई लुटेर बढनु पर्छ भनि योजना बनाउँछिन् । योजना अनुसार नजामुद्दिन र अर्का एक जना भएर भारतको विरपुर गई भारु २० हजारमा पेस्तोल र गोली खरिद गर्छन् ।
घटनाको ठिक एक दिन अघि करिव २ बजे श्रवन ,अजिम,नमाजुद्दीन र अर्का एक जनालाई मोरङको नेमुवा चौकी भन्दा पछाडी बोलाई सृर्जनाले आफू विवाहमा जाने बताएर सुभाषको घर जाने बाटो देखाई राती गएर लुटपाट गर्न भनेको उनिहरुले प्रहरीको बयानमा बताएका छन् ।
पक्राउ परेका उनिहरुको साथबाट मिस फायर भएको ७.६५ के एफ लेखिएको राण्ड एक थान बरामद भएको कार्यालयले जनाएको छ । पक्राउ परेका पाँचैजना प्रतिवादीहरुलाई सुनसरी जिल्ला अदालतमा १० दिनको म्याद थप गरी थप अनुसन्धान भईरहेको सुनसरी प्रहरीका प्रहरी उपरीक्षक कमल थापाले बताए ।
