इनरुवा । इनरुवा नगरपालिकाका मेयर राजन मेहताले नगरभित्र सबैको घरमा पानीको धारा जडान गर्न आवश्यक रहेको बताएका छन् । उद्योग वाणिजय संघ इनरुवाको सभाहलमा आयोजित इनरुवा खानेपानी उपभोक्ता संस्था, खानेपानी तथा सरसफाइ मूल उपभोक्ता समिति इनरुवाको छैठौं वार्षिक साधारण सभालाई सम्बोधन गर्दै मेयर मेहताले इनरुवा नगर क्षेत्रको सबै घरघरमा पानीको धारा जडान गर्न आवश्यक रहेको बताए ।
छैठो वार्षिक साधारणसभाका प्रमुख अतिथिसमेत रहेका मेयर मेहताले खानेपानी उपभोक्ता समितिले पूर्ण रुपमा खानेपानी विस्तार नगरेकोले अबका दिनमा प्रत्येक घरघरमा पानीको धारा जडान गरी स्वच्छ पानी पिउने वातावरण सिर्जना गर्न अनुरोध गरेका छन् ।
इनरुवाका जनताले स्वच्छ पानी पिउन नपाएकाले प्रत्येकको घरघरमा धारा पु¥याउनका लागि ठोस योजना लिएर आए आफू नगरपालिकाबाट सहयोग गर्ने प्रतिबद्धता व्यक्त गरेका छन् ।
खानेपानी उपभोक्ता संस्थाले नागरिकलाई स्वच्छ पानी पिउनका लागि धारा जडान गर्न अति आवश्यक भएकाले जनताको मर्म र भावनाअनुसार धारा नपुगेका ठाउँमा पु¥याउनका लागि अनुरोध गर्दै मेयर मेहताले राजनीतिक स्वार्थभन्दा माथि उठेर जनताको घरघरमा धारा जडान गर्न छिटोभन्दा छिटो कार्य सुरु गर्नुपर्नेमा जोड दिएका थिए ।
स्वच्छ पानी पिउन नपाएकाले इनरुवाका जनता बिरामी हुने, विभिन्न रोग लाग्ने र कोरोनाको महामारीमा पानीको कारणले पनि कोरोना संक्रमित हुन सक्ने भएकाले ट्युबेलको पानीमा आर्सेनिक भएकाले धाराको स्वच्छ पानी जनताको घरघरमा हुनुपर्ने मेयर मेहताले जिकिर गरेका छन् ।
इनरुवामा चौतर्फी विकास भइरहेको बेलामा खानेपानीको पनि विकास हुन जरुरी रहेकाले राजनीतिक अखडा बनाएर खानेपानी संस्थाको विकास हुन असम्भव रहेको मेयर मेहताको तर्क छ । खानेपानीको मोडालिटी परिर्वतन गरी जनताको घरघरमा स्वच्छ पानी पु¥याउनका लागि योजना र रणनीति तयार पारेर इनरुवा नगरपालिकामा आए आफूले बजेट विनियोजन गरी कामलाई अगाडि बढाउन मद्धत पुग्ने उनले बताए ।
इनरुवा नगरपालिकाका उपमेयर जमुना गौतम पोखरेलले इनरुवामा शतप्रतिशत खानेपानी पुग्न नसकेको गुनासो गरेकी छिन् । प्रत्येक घरमा धारा जडान गर्नुपर्ने बताउँदै पोखरेलले इनरुवा नगर क्षेत्रभित्र खानेपानीको पनि अनुगमन गर्नुपर्ने आवश्कता रहेको बताइन् । नागरिकले ट्युबेलबाट पानी पिउने गरेकाले अस्वस्थ्य हुनेको संख्या बढ्दै गएको र टयुबेलको पानी पिउँदा आर्सेनिक टेस्ट गरेर मात्र पानी पिउनुपर्ने उनको कथन छ ।
छैठौं साधारणसभा खानेपानी उपभोक्ता समितिका अध्यक्ष दिनेशकुमार सुवेदीको अध्यक्षतामा सम्पन्न भएको सो कार्यक्रममा उद्योग वाणिज्य संघका अध्यक्ष वीरेन्द्रकुमार साह, पूर्वमेयर खेमराज पोखरेल लगायतको सहभागिता रहेको थियो ।
