विराटनगर । स्वीस सरकार र नेपाल सरकारको संयुक्त साझेदारीमा प्राविधिक शिक्षा तथा ब्यवसायिक तालिम परिषदद्धारा कार्यान्वयन र हेल्भेटास नेपालको प्राविधिक सहयोगमा सञ्चालित इन्स्योर परियोजना अन्त्तरगत औद्योगिक प्रशिक्षण कार्यक्रमको स्वीस राजदुत महामहिम एलिजाबेथ भेन काप्लरले अवलोकन गर्नुभयो ।
औद्योगिक प्रशिक्षण कार्यक्रम ३.५ महिना प्राविधिक विद्यालयमा १९.५ महिना उद्योगहरुमा र बाँकी १ महिना ब्लक रिलिज गरी जम्मा २४ महिनाको अवधी रहेको छ । यो कोर्ष पुरा गरेपछि प्रशिक्षार्थीहरुले प्रि डिपलोमा लेवलको प्रमाण पत्र प्राप्त गर्नेछन् ।
जस अन्तर्गत आदर्श माध्यमिक विद्यालयमा ४० जना प्रशिक्षार्थी आई.टी.मा साउत एसियन स्कूल अफ टुरिजम एण्ड होटल म्यानेजमेन्ट सास्तम, मनमोहन स्मृति प्रतिष्ठानमा २४ जना प्रशिक्षार्थी र पाथिभरा हिमालयन पोलीटेक्निकमा ४० जना प्रशिक्षार्थीहरु इलेक्ट्रिकल इन्जिनियरिङ्ग विषयमा अध्ययनरत रहेका छन् ।
हाल प्रशिक्षार्थीहरु औधोगिक अभ्यासका लागी ५० भन्दा बढि उद्योगहरुमा सहभागी छन् । जसमध्ये होटेल म्यानेजमेन्ट अन्तर्गत होटेल स्वागतम र आई.टी. अन्तर्गत टेक्निोकमर्सियल इम्पेक्स विराटनगरमा राजदुतद्वारा अवलोकन गरिएको थियो ।
अवलोकन काक्रममा स्वीस राजदुत महामहिम एलिजाबेथ भेन काप्लरले यो कार्यक्रम नेपालको लागि नयाँ अभ्यास रहेको बताउँदै उद्योगहरुको माँग अनुसारको दक्ष जनशक्ति उत्पादन गर्ने उद्देश्यले कार्यक्रम लागु गरिएको बताउनुभयो ।
उनले भनिन् प्राविधिक विद्यालय, उद्योग, व्यावसायिहरु र प्रशिक्षार्थीहरुसँग अन्तरक्रिया तथा छलफल गर्दै नयाँ अभ्यासमा आएका विद्यार्थीहरुको उज्जवल भविष्यको कामना गर्दै अगामी दिनमा यस क्षेत्रबाट योग्य र क्षमता भएकालाई देश विदेशमा रोजगार सिर्जनाको अवसर प्रदान गर्नेछुु ।
उक्त कोर्षको प्रशिक्षार्थी छनौट प्रक्रियामा उद्योगहरुको संलग्नता, समयअवधी र कार्यक्रमको दिगोपनाको लागि सम्बन्धित विद्यालय र उद्योग व्यवसायिहरुसँग छलफल तथा सम्वाद गर्नु भएको थियो । साथै दुई वर्षे औद्योगिक प्रशिक्षण कार्यक्रमको सुरुवाती चरणमा यसको सान्दार्भिकतामा अन्योलता रहे तापनि आजको यो अवलोकनबाट नेपालको सन्दर्भमा औद्योगिक प्रशिक्षण कार्यक्रमको यो अवधि उपयुक्त रहेको वहाँले बताउनुभयो ।
छलफलको क्रममा टेक्निो कमर्सियल इम्पेक्सका डाइरेक्टर सुशिल रेग्मीको अनुसार “हाल विभिन्न तालिम प्रदायक संस्थाहरुले सञ्चालन गरिरहेको छोटो अवधिको तालिमहरुले उद्योगको आवश्यकतालाई पुरा गर्न सकेको छैन् । यस कार्यक्रम अन्तर्गत उद्योगको लागि आवश्यक मानव संसाधन आफै तयार गर्न सक्ने भएकाले नेपालको सन्दर्भमा यो २४ महिने औद्योगिक प्रशिक्षण कार्यक्रम अत्यन्तै सान्दर्भिक रहेको छ ।”
त्यसैगरी सास्तम कलेजका एनाजिंज डाइरेक्टर रोशन थापाले यो कार्यक्रमको दिगोपना र प्रभावकारीतालाई हेरी आफ्नै पहलमा उहाँको दुइवटा होटलको लागि आवश्यक औद्योगिक प्रशिक्षार्थीहरु यही मोडुल अन्तर्गत हरेक वर्ष सञ्चालन गर्ने प्रतिवद्धता समेत व्यक्त गर्नुभयो ।
