इनरुवा । निरौला बन्धु सेवा समाज क्षेत्रीय समिति इनरूवा सुनसरीले बराहक्षेत्र नगरपालिका १५ जना जेष्ठ नागरिकहरूलाई बिहिवार सम्मान गरिएको छ ।
पूर्व निर्धारित कार्यक्रम घोषणा अनुसार निरौला बन्धु सेवा समाजले सुनसरीको क्षेत्र नं ४ अन्तर्गत बराहक्षेत्र–७ का १५ जना ज्येष्ठ नागरिकहरुलाई एक कार्यक्रमबीच दोसल्ला ओढाई सम्मान गरिएको हो । सम्मानित हुनेहरुमा बराहक्षेत्र–७ का ८४ बर्षिय बद्वि प्रसाद निरौला , ८३ बर्षिय मनमाया निरौला , ७३ बर्षिय भीम प्रसाद निरौला ,७५ बर्षिय केदार प्रसाद निरौला , सुर्य प्रसाद निरौला , इश्वर निरौला र प्रकाशपूरका ७८ बर्षिय पूष्पलाल निरौला लगायत १५ जना रहेका छन् ।
निरौला बन्धुहरूलाई निरौला बन्धु सेवा समाज इनरूवा सुनसरीका क्षेत्रीय अध्यक्ष सूर्य कुमार निरौला , पूर्व जिल्ला अध्यक्ष बालकृष्ण निरौला , बन्धु समाजका क्षेत्रीय सल्लाहकार पत्रकार राजन निरौला, निरौला बन्धु सेवा समाजका सदस्य सबिन निरौला लगायतले जेष्ठ नगरिकहरूलाई दोसला ओढाई सम्मान गरेका थिए ।
निरौला बन्धु सेवा समाज क्षेत्रीय समितिद्वारा प्रकाशित २०७८ सालको क्यालेन्डर बितरण गरिएको बन्धु सेवा समाजका अध्यक्ष सूर्यकुमार निरौलाले जानकारी दिए ।
सो कार्यक्रमका प्रमुख अतिथि बालकृष्ण निरौलाले विभिन्न ठाउँमा छरिएर बसोबास गर्दै आएका निरौला बन्धुहरूलाई एकजुट भएर सुन्दर समाज निर्माण गर्न र सामाजिक दायित्व पुरा गर्न सवैवर्ग समुदायसंग हातेमालो गरेर अगाडी बढ्नुपर्ने बताए । उनले निरौला बन्धु सेवा समाजको हक अधिकार र संरक्षणका लागि निरौला समाज एकजुट हुनुपर्नेमा जोड दिएका थिए ।
उनले समय समयमा निरौला समाजले बिभिन्न गतिविधि गर्नुपर्ने, एकताको सन्देश प्रवाह गर्नुपर्ने र उपलब्धिमूलक कार्यहरुलाई निरन्तरता दिदै अगाडी बढ्नुपर्ने र समाजमा सकारात्मक सन्देश प्रवाह गर्नका लागि निरौला समाजको भूमिका अहम हुनुपर्नेमा जोड दिएका थिए । निरौला समाजले यस अघि इनरुवामा पनि ज्येष्ठ नागरिकलाई सम्मान गरेको थियो ।
बराहक्षेत्र नगरपालिका–७ स्थित देवीघाटमा निरौला बन्धु सेवा समाज क्षेत्रीय समिति इनरूवा सुनसरीका क्षेत्रीय अध्यक्ष सूर्यकुमार निरौला अध्यक्षतामा कार्यक्रम सम्पन्न भएको थियो भने कार्यक्रमको संचालन सबिन निरौलाले गरेका दिए ।
