इनरुवा । नेपाल प्रेस युनियन इनरुवा नगर कार्यसमिति इनरुवा सुनसरीले इनरुवा लगायत आसपासका क्षेत्रमा रहेर पत्रकारिता गर्दै आएका २५ जना पत्रकारहरुलाई ब्याग र मास्क वितरण गरेको छ ।
नेपाल प्रेस युनियन इनरुवा नगरले पत्रकारहरुको हक अधिकार र पेशागत सुरक्षाका लागि आवाज उठाउँदै आएको बेला पत्रकारहरुको आवश्यक पर्ने सामाग्री राख्नको लागि २५ जना पत्रकारहरुलाई व्याग वितरण गरेको हो । व्याग वितरण् कार्यक्रमको प्रमुख अतिथि इनरुवा नगरपालिकाका नगर प्रमुख राजन मेहताले पत्रकारहरुप्रति सकारात्मक रहेको बताए ।
कार्यक्रमलाई सम्वोधन गर्दै नगरप्रमुख मेहताले कोरोनाको बेला सबै सचेत र सर्तक रहन अनुरोध गरेका थिए । प्रेस युनियन इनरुवाले गरेको व्याग वितरण कार्यक्रमले पत्रकारहरुबीचको सम्वन्धलाई प्रगाढ गरेको उनले बताए ।
पत्रकारहरुले हिजोका दिनका धेरै दुःख गरेको र अहिले श्रोत साधन भएकाले पत्रकारीता गर्न सहज भएको नगरप्रमुख मेहताको कथन छ ।
पत्रकारहरुको आर्थिक रुपले बृद्धि नभएको उनले स्पष्ट पारे । पत्रकारहरु इनरुवाबासी, समग्र राष्ट्रको लागी चौतर्फी विकासका लागि अहोरात्र खटेको उनले बताए । पत्रकारीता पेशामा युवाहरु दिनप्रतिदिन आर्कषित भएकोले पत्रकारीता पेशालाई मर्यादित बनाउन आवश्यक रहेको नगरप्रमुख मेहताले बताए ।
नेपाल पत्रकार महासंघका केन्द्रीय सदस्य तथा कार्यक्रमा विशिष्ट अतिथि इकवाल अहमदले लोकतन्त्रवादी पत्रकारहरुको संगठन नेपाल प्रेस युनियन इनरुवा नगरले गरेको व्याग वितरणले सकारात्मक सन्देश प्रवाह भएको बताए । पत्रकारहरुको हकअधिकारका लागि काम गर्ने नेपाल प्रेस युनियन इनरुवा नगरले अगामी दिनमा पत्रकारहरुको लागि ठोस योजना ल्याएर काम गुर्नुपर्नेमा समेत जोड दिएका थिए ।
उनले सो अवसरमा कार्यक्रमलाई सम्वोधन गर्दै वर्तमान अवस्थामा देखिएको कोरानाको महामारीलाई गम्भिरताका साथ लिन आग्रह गर्दै आफनो सुरक्षालाई पहिलो प्राथमिकतामा राख्न पत्रकारहरुलाई सुझाए । उनले सो अवसरमा नगर क्षेत्रभित्र कार्यरत संचारकर्मीहरुलाई आवश्यक स्वास्थ्य सामाग्री व्यवस्थापनका निम्ति सरोकारवाला निकायहरुलाई तत्काल पहल गर्न समेत आग्रह गरे ।
कोरोनाको महामारीमा संचारकर्मीहरुले सचेत भएर काम गर्नुपर्ने उनले बताए । सामाजिक दुरी कायम गरेर पत्रकारहरुलाई व्याग वितरण गरेको र अगामी दिनमा नेपाल प्रेस युनियन इनरुवाले पत्रकारहरुको पक्षमा नमुना कार्य गर्न सक्ने विश्वास व्यक्त गरे ।
पत्रकारहरुको पहिचान र अधिकारको लडाईमा प्रेस युनियन इनरुवा नगरले सबैको साथ र सहयोगमा आवाज उठाई अघि बढ्नुपर्नेमा उनले जोड दिएका थिए । त्यसैगरी नेपाल पत्रकार महासंघ सुनसरी शाखाका जिल्ला अध्यक्ष जनकऋषि राईले युनियनको कार्य सराहनीय भएको बताए ।
नेपाल पत्रकार महासंघ सुनसरी शाखामा समावेशी तरिकाले इनरुवा क्षेत्रका पत्रकारहरुलाई समेटेको उनले बताए । कार्यक्रममा सम्बोधन गर्दै अध्यक्ष राईले इनरुवामा नेपाल पत्रकार महासंघको भवन बनाउन आफूहरु लागिपरेको बताए । पत्रकारहरुको हकहितका लागि आफू सदैव कार्य गर्ने प्रतिबद्धतासमेत उनले व्यक्त गरे ।
त्यसैगरी नेपाल पत्रकार महासंघ १ नम्बर प्रदेशका निवर्तमान सदस्य तथा रिपोर्टस क्लबका महासचिव शशी कोइरालाले इनरुवामा यस्तो कार्य तेस्रो पटक भएको बताए । नेपाल प्रेस युनियन इनरुवाले गरेको कार्य प्रशंसायोग्य भएको उनले बताए ।
पत्रकारहरुको गुणात्मक वृत्तिविकासमा ध्यान दिनुपर्नेमा उनले जोड दिएका थिए । उद्योग वाणिज्य संघ इनरुवाका अध्यक्ष वीरेन्द्र साहले युनियनले गरेको काम राम्रो भएको प्रशंसा गरेका थिए ।
केही वर्षअघि आफू पनि पत्रकारिता गरेको हुँदा पत्रकारको लागि नमुना कार्यले पत्रकारहरु उत्साहित भएको उनले बताए । नेपाल पत्रकार महासंघ १ नम्बर प्रदेशका सदस्य प्रमोद यादवले नेपाल प्रेस युनियन इनरुवा नगरले पहिलो पटक उदाहरणीय काम गरेको बताए ।
युनियन इनरुवाका सभापति टोमराज मेहताले फेसबुकमार्फत १० बुँदे घोषणापत्र सार्वजनिक गरेको केही महिनापछि काम गरेकाले पत्रकारहरुको मनोवल उच्च भएको उनले बताए । त्यसैगरी नेपाल पत्रकार महासंघ १ नम्बर प्रदेशका निवर्तमान सदस्य जयकृष्ण यादवले ब्याग वितरणले पत्रकारितामा आएका युवाहरुमा काम गर्ने जोश, जाँगर र उत्साह बढेको बताए ।
धेरैले प्रतिबद्धता गर्ने तर कार्यान्वयन नगर्ने परिपार्टीलाई युनियन इनरुवाका सभापति मेहताले चिरेको यादवको भनाइ छ । प्रतिबद्धता व्यक्त गरेको १० वटा बुँदामध्ये पहिलो कार्यक्रममा एकवटा बुँदा कार्यान्वय गरेकाले अगामी दिनमा पनि बाँकी रहेको बुँदाहरुलाई सभापति मेहताले कार्वान्वयन गर्ने विश्वास व्यक्त गरे ।
नेपाल प्रेस युनियन इनरुवा नगरका सभापति टोमराज मेहताले आफूले घोषणा गरेको १० बुँदे घोषणापत्रको पहिलो पटक कार्यान्वयन गरेको बताए । अरु बाँकी रहेको नौवटा बुँदालाई कोरोनाको महामारी सकिएपछि तुरुन्तै कार्यान्वयन गर्न ढिलाइ नगर्ने बताए । प्रेस युनियनका इनरुवा सभापति मेहताका अनुसार बुधबार २५ जना पत्रकारहरुलाई एक/एक थान ब्याग र एक/एक पोका मास्क वितरण गरिएको हो ।
इनरुवा नगरपालिकाको सहकार्यमा एक हजार थान मास्क उपलब्ध गराएको सभापति मेहताले बताए । हस्तान्तरण कार्यक्रममा इनरुवा नगरपालिकाका नगर प्रमुख राजन मेहता, नेपाल पत्रकार महासंघका केन्द्रीय सदस्य इकवाल अहमद, प्रदेश १ का पूर्व सदस्य शशी कोइराला, जयकृष्ण यादव, प्रदेश सदस्य प्रमोद यादव, जिल्ला अध्यक्ष जनकऋषि राई, उद्योग वाणिज्य संघ इनरुवाका अध्यक्ष वीरेन्द्र साह लगायतले पत्रकारलाई ब्याग हस्तान्तरण गरेका थिए ।
