हरिनगर । हरिनगर गाउँपालिका सुनसरीले विश्व महामारी कोभिड१९ रोकथाम नियन्त्रण गर्नका लागि सरोकारवालाहरु सँग अन्तरक्रिया गरि विभिन्न निर्णयहरु परित गर्दै पहलकदमी थालेको छ ।
छिमेकी मुलुक भारतमा कोभिड १९को भयावह स्थितिलाई मध्यनजर गर्दै भारत सिमा सँग जोडिएका नाकाहरुबाट शर्तकता अपनाउनमा हरिनगर गाउँपालिकाका अध्यक्ष गफार मियाँ अन्सारीले सिमामा खटिएका सुरक्षाकर्मी तथा समाजिक अगुवाहरु , सरोकारवालाहरु तथा आम हरिनगरबासीहरुलाई आग्रह गर्नु भएको छ ।
यसका साथै कोभिड १९ बाट बच्नका लागि समाजिक दुरी कायम गर्दै अनिवार्य मास्कको प्रयोग , अनावश्यक भिड भाड नगर्न ,धार्मिक कार्य प्रार्थना, पुजाआजा, नमाज लगायत कार्यमा २५ जना भन्दा बढि भिडभाड नगर्न ,तोकिएको मापदण्डको पूर्ण पालना गर्न समेत हरिनगरबासीहरुमा अनुरोध गर्नु भएको छ । सो अन्तरक्रिया कार्यक्रममा हरिनगर गाउँपालिकाका उपाध्यक्ष रिमझिम भगत , प्रमुख प्रशासकीय अधिकृत भक्त बहादुर खडका , शसस्त्र प्रहरी तथा जनपथ प्रहरी हरिनगर गा।पा। भित्रका इन्चार्जहरु , स्वास्थ्यकर्मीहरु , वडासदस्यहरु लगायत संचारकर्मीहरुको उपस्थिति रहेको थियो ।
हरिनगर गाउँपालिकाले भुटाहा स्थित भुटाहा जेनरल हस्पिटललाई गत वर्ष झैं शनिवार देखी पून:आसोलेशन केन्द्रको रुपमा संचालन गर्ने निर्णय गरेको छ । साथै समाजिक दुरी तथा आवश्यक मापदण्ठ पूरा गरि बिहान ८ बजे देखि ११ बजे सम्मका लागि हाट बजार तथा आवश्यक खाद्यान्न वस्तु लगायतका समानहरु खरीद बिक्रि गर्न पाउने व्यवस्था गरेको हरिनगर गापाले जनाएको छ ।
