इनरुवा । कोरोना महामारीका बिच स्थानीय समाजसेवी रोहित निरौलाले प्रहरीलाई सहयोग गरेका छन् । उनले प्रहरीको लागि स्वास्थ्य सावधानीका साधन सहयोग वापत उपलब्ध गराएका हुन् ।
समाजसेवी निरौलाले आफुले व्यक्तिगत पहलमा जुटाएको सामग्री प्रहरीलाई हस्तान्तरण गरेको बताए । उनले सम्राट श्रेष्ठसँग मिलेर स्वास्थ्य सामग्री जुटाइएको बताए ।
निरौलाले मास्क, सेनिटाइजर, पन्जा, ह्याण्डवास जस्ता सरसामान जिल्ला प्रहरीलाई हस्तान्तरण गरिएको बताए । उनले सो सामाग्री जिल्ला प्रहरी कार्यालय पुगेर हस्तान्तरण गरेका थिए । निरौलाले बुझाएको सामाग्री जिल्ला प्रहरी कार्यालय सुनसरीका प्रमुख एसपी कमल थापाले बुझेका थिए ।
निरौलाले जनसेवामा अहोरात्र खटिने प्रहरीलाई कोरोना महामारीको समयमा स्वास्थ्य सावधानी अपनाउन सहज होस भनी त्यस्ता सामाग्री सहयोग वापत उपलब्ध गराएको बताए । उनले आवश्यकता परे अन्य सहयोग समेत उपलब्ध गराउन तयार रहेको बताए ।
निरौलाले यसअघि समेत पटक पटक सुरक्षाकर्मीलाई लक्षित गरी स्वास्थ्य सामाग्री लगायतको सहयोग उपलब्ध गराइ सकेका छन् । निरौला विपन्न तथा गरिव परिवारको सहयोगमा समेत सकृय रहँदै आएका छन् ।
