देवानगंज । नेपालको विभिन्न जिल्लामा दर्ता भई सुनसरीको गाउँपालिका र नगरपालिकाहरुमा संचालित लघुवित वितिय संस्थाहरुले कोरोनाको माहामारीका बीचमा पनि गाउँगाउँमा गएर किस्ता उठाउँदा कोरोनाको जोखिम बढेको गुनासो आएपछि प्रहरीले वितिय संस्था माथि निगरानी गर्ने भएको छ ।
लघुवित वितिय संस्थाले समुदायमा गएर ऋण लागानि गर्ने, बचत संकलन र असुली गर्ने नाममा नियमित बैठक गर्ने काम जारी राखेकाले कोरोनाको त्रास एकातिर र अर्को तिर किस्ता तिर्नका लागि समस्या भएका ऋणिहरुले गुनासो गरेपछि सुनसरी प्रहरीले कोरोनाको जोखिमको बेला निगरानी बढाएको हो ।
जिल्लामा निषेधाज्ञा जारि गरिएको भए पनि लघुवित संस्थाहरुले अहिले पनि गाउँगाउँ गएर निर्वाद रुपमा किस्ता उठाईरहकाले त्यसमा प्रहरीले सूचना दिन आग्रह गर्दै निगरानी बढाएको सुनसरी प्रहरीले जनाएको छ । लघुवित संस्थाका कर्मचारीहरुले आफूहरुलाई कुनै आदेश नआएकोले गाउँगाउँमा किस्ता उठाउने गरेको उनीहरु बताउँछन् ।
यता नेपाल राष्ट्रिय बैकंका प्रवक्ता देवाकुमार ढकालसंग कुरा गर्दा वहाँले भन्नुभयो, हामीले लघुवित संस्थाहरुका प्रमुख र लघुवित ऐसोसिएसनका पदाअधिकारीहरुलाई तत्कालको लागि गाउँ गाउँमा गएर किस्ता संकलन गर्ने काम बन्द गर्न निदेर्शन दिएका छौ र त्यही अनुसार गर्न भनेका छौ ।
सुनसरीमा लघुवित संस्थाहरुले अनाधिकृत रुपमा गाउँघरमा बन्दाबन्दीको बीचमा ऋण लागानि गर्ने, बचत संकलन र असुली गर्ने नाममा नियमित बैठक गर्ने काम जारी राखेको भएले त्यसको सूचना दिन आग्रह गर्नुहुदै जिल्ला प्रहरी कार्यालयका प्रहरी नायव उपरीक्षक नरेन्द्र कुमार कार्कीले कोरोनाको त्रास फैलिएको र थप फैलिने कुनै पनि कार्य गरेको वा गराएको पाए र गाउँ गाउँमा, घरघरमा गएर किस्ता उठाएको पाए त्यसलाई तत्काल कार्वाही गर्ने बताएका छन् ।
गाउँगाउँमा गएर महिला समुहमा गएर किस्ता उठाउने कार्य गर्ने जोसुकैलाई अन द स्पोर्ट कार्वाही गर्ने उनले बताए । कोरोनाको कहरमा लघुवित संस्थाहरुले मनोमानी ढङ्गबाट काम गरेको आफूले जानकारी पाएको खण्डमा अन द स्पोर्ट कार्वाही गर्ने चेतावनी उनले दिएको छ ।
सुनसरीको ग्रामिण क्षेत्रमा लघुवित संस्थाहरुले समुदायमा गएर महिला समुहहरुसँग किस्ता उठाउने गरेको सूचना पाए लगतै तत्काल कार्वाही प्रक्रिया अगाडी बढाउने समेत उनले बताए । कोरोनाको उच्च जोखिमलाई मध्यनजर गर्दै आ आफनो ठाउँबाट सचेतना जगाउँदै सचेत र सजग रहनुपर्नेमा उनले जोड दिए ।
