इनरुवा । दोश्रो चरणमा कोरोना महामारीको जोखिम बढ्दै गएको बेला भोक्राहा नरसिंह गाउँपालिकाका जनप्रतिनिधिहरुको कुनै तयारी देखिएको छैन् ।
दिनप्रतिदिन बढ्दै गएको कोरोना महामारीको बेला भोक्राहा नरसिंह गाउँपालिकाले कुनै तयारीको संकेत नदेखिएपछि राष्ट्रिय युवा संघ भोक्राहा नरसिंह गाउँ कमिटीका संयोजक रमेश कुमार यादवले भोक्राहा नरसिंहमा मास्क वितरण गरेका छन् ।
कोरोनाको जोखिम बेला भोक्राहा नरसिंह गाउँपालिकाका जनप्रतिनिधिहरुले गर्ने काम भोक्राहा नरसिंहका रमेश कुमार यादवले गरेका छन् । कोरोना महामारीमा पनि भोक्राहा नरसिंह गाउँपालिकाका जनप्रतिनिधिहरु कानमा तेल हालेर सुतिरहेको स्थानीयहरुले गुनासो गरेका छन् ।
जनप्रतिनिधिहरुले गाउँपालिकामा मास्क र सेनिटाइजर वितरण नगरेपछि राष्ट्रिय युवा संघ भोक्राहा नरसिंह गाउँ कमिटीका संयोजक यादवले भोक्राहा नरसिंह गाउँपालिकामा सचेतना जगाउँदै स्थानीयहरुलाई सेनिटाईजरको प्रयोग गराई मास्क वितरण गरेका हुन् ।
भोक्राहा नरसिंह गाउँपालिकाले कोरोना संक्रमण भएका व्यक्तिहरुको लागि पूर्व तयारी नगरेको स्थानीहरुले गुनासो गरेपछि युवा संघका संयोजक यादवले कोरोनाबाट जोगिनका लागि मास्क वितरण गरिएको हो ।
अगामी दिनमा पनि भोक्राहा नरसिंहका जनताको लागि आफू अहोरात्र सेवा गर्ने र कोरोनाबाट जोगिनका लागि अहिले देखि नै गाउँका जनतालाई सचेत र सजग गराउँदै मास्क वितरण गरिएको युवा संघ भोक्राहा नरसिंहका संयोजक यादवले बताए ।
यस्तो समयमा भोक्राहा नरसिंह गाउँपालिकाले आइसोलेशनको तयारी गर्नुपर्ने, ऐम्बुलेन्स तयारी अवस्थामा राख्नुपर्ने, मास्क र सेनिटाइजर वितरण गर्नुपर्ने लगायतका कुरामा ध्यान दिनुपर्नेको सट्टा भोक्राहा नरसिंहका जनप्रतिनिधिहरु कुनै वास्ता नगरीकन सुतिरहेको स्थानीहरुको आरोप छ ।
भोक्राहा नरसिंह गाउँपालिकाका जनप्रतिनिधिहरुले कुनै चासो नलिएको कारण आफूले गाउँमा मास्क वितरण गरेको उनले बताए । गाउँमा सर्वसाधारणहरु खुलेआम विना मास्क घुमिरहेको बेला जनप्रतिनिधिहरुले केही नगरेकोले मास्क र सेनिटाइजर वितरण गरेको भोक्राहा नरसिंह राष्ट्रिय युवा संघका संयोजक यादवको भनाई छ ।
यस्तो बेलामा गाउँपालिकाले प्रत्येक वडामा मास्क र सेनिटाइजर वितरण गर्नुपर्ने उनले बताए । दोश्रो चरणको कोराना महामारी बढ्दै गएको बेलामा पनि कुनै ध्यान नदिएको दुःखद कुरा भएको उनले बताए ।
गाउँमा नागरिकहरुलाई कोरोनाबाट बच्ने उपायको बारेमा जानकारी दिदैँ परिक्षण अभ्यास समेतका लागि सेनिटाइजर हातमा लगाएर र माक्स वितरण गरेर आफुपनि बचौँ अरुलाई पनि बचाउँ अभियान गरेको बताएका छन् ।
भोक्राहा नरसिंह गाउँपालिका–७ को हनुमान चौक, काली मन्दिर चौक, लकडाउन चौक, बजरंग चौक, मण्डल चौक लगायतको ठाउँमा बिना मास्क लगाएर हिड्नेहरुलाई मास्क तथा सेनिटाइजर वितरण गरेको यादवले बताए ।
सो वडाका व्यक्तिहरुको घर घरमा गएर समेत मास्क वितरण गरिएको उनले बताए । सो वडामा करिव तीन हजार मास्क वितरण गरिएको युवा संघका संयोजक यादवले सुनसरी अनलाइनको कुराकानीमा बताए ।
सो मास्क वितरण कार्यक्रममा स्थानीय युवा चन्दन यादव, संजय केडी, प्रहरी चौकी नरसिंहका इन्चार्ज प्रहरी नायव निरिक्षक नरायण निरौला, नेकपा एमाले सुनसरी जिल्ला सदस्य रमेशप्रसाद यादव, सुनिल कु्मार साह, शिवनारायण यादव, श्यमकुमार मण्डल लगायतको सहभागीता रहेको थियो ।
