काठमाडौं । नवनियुक्त प्रधानमन्त्री केपी शर्मा ओलीले आज पद तथा गोपनियताको शपथ लिने कार्यक्रम तय भएको छ ।तेस्रो कार्यकालका लागि नियुक्त प्रधानमन्त्री ओलीले आज दिउँसो साढे २ बजे शपथ लिने कार्यक्रम रहेको राष्ट्रपतिको कार्यालयले जनाएको छ ।
आजै पहिलो चरणको मन्त्रिपरिषद् विस्तार हुने जनाइएको छ । हिजो पार्टीका नेता माधवकुमार नेपालसँग छलफल भएपछि प्रधानमन्त्री बन्न सफल ओलीले नेपालपक्षका नेताहरुलाई मन्त्री बनाउने अनुुमान गरिएको छ ।
प्रतिनिधिसभामा रहेका दुई वा दुईभन्दा बढी दलले बहुमत जुटाउन नसकेपछि राष्ट्रपति विद्यादेवी भण्डारीले ठूलो दलको नेताका हैसियतमा उनलाई हिजो उक्त पदमा पुनः नियुक्त गरेकी थिइन् ।
राष्ट्रपतिबाट नेपालको संविधानको धारा ७६ को उपधारा ९२० बमोजिम प्रतिनिधिसभामा प्रतिनिधित्व गर्ने दुई वा दुईभन्दा बढी दलहरूको समर्थनमा बहुमतप्राप्त गर्न सक्ने प्रतिनिधिसभाको सदस्यलाई बिहीबार साँझ ९ बजेभित्र नयाँ प्रधानमन्त्रीका लागि दाबी पेश गर्न यही वैशाख २७ गते तीन दिनको समयसीमा तोकिएको थियो ।
उक्त अवधिमा नेपाली कांग्रेस, नेकपा माओवादी केन्द्र लगायत दलले बहुमत सदस्यको दाबी पेश गर्ने कोसिस गरे पनि ती दल असफल भएका थिए ।उक्त अवधि सकिएपछि संविधानको धारा ७६ को ९३० बमोजिम ठूलो दलका नेता ओली नै प्रधानमन्त्रीमा नियुक्त भएका हुन् ।
