बारामा । बारामा खेल्न निस्केका दुई जना बालकको घाँटी रेटेर हत्या भएको छ ।
कलैया उपमहानगरपालिका– ७ स्थित सरंगापुर बस्ने ९ वर्षीय उशमान अन्सारी र ७ वर्षीय अमिन अन्सारीको विभत्स हत्या भएको हो ।
सोमबार साँझ ७ बजे खेल्न निस्केका दुबै बालकको शव विभत्स हत्या भएको अवस्थामा स्थानीय मदरसामा मंगलबार बिहान फेला परेको हो । अबेर रातिसम्म बालक घर नफर्किदा खोजविन भएको थियो ।
खोजविनको क्रममा हत्या भएको अवस्थामा शव भेटिएको बाराका प्रहरी प्रवक्ता डीएसपी गौतम मिश्रले जानकारी दिए ।
अहिले प्रहरीको टोलि घटनास्थल पुगेर घटनाको अनुसन्धान थालेको छ । प्रहरीले केहि शंकास्पद व्यक्तिहरुलाई पक्राउ समेत गरको छ ।
