अजमल अन्सारी
इनरुवा । सुनसरीको भोक्राहा नरसिंह गाउँपालिका मोडेल चौक स्थितमा रहेको सजिलो कृषि सहकारीद्धारा फ्रन्टलाइनमा खटिने सुरक्षाकर्मीहरुका लागि स्वास्थ्य सुरक्षा सामग्री हस्तान्तरण गरिएको छ ।
सहकारीका अध्यक्ष हाजी इसराइल मन्सुरीको नेतृत्वमा प्रहरी चौकी भोक्राहा, उल्टी, लौकही र अपांग तथा पुनर्स्थापनालाई सहकारीको टोलीले प्रहरी चौकी उल्टीका प्रमुख प्रहरी निरीक्षक नारायण निरौला, अपांग संघका अध्यक्ष रामकुमार मेहतालाई स्वास्थ्य सुरक्षा सामग्री हस्तान्तरण गरिएको हो ।
सजिलो कृषि सहकारी संस्थाको आन्तरिक कोषबाट खर्च गरी स्वास्थ्य सुरक्षा सामग्री खरिद गरेर कोरोना भाइरसको दोस्रो लहरको बेला भोक तिर्खा निन्द्रा केही नभनिकन फ्रन्ट लाईनमा रहेर जोखिम उठाउदै सिमा क्षेत्र लगायत विभिन्न ठाउँमा अहोरात्र जनताको सेवामा सुरक्षामा खटिने प्रहरीको स्वास्थ्य जोखिम घटाउन यस प्रकारका सामानहरु हस्तान्तरण गरिएको संस्थाका सदस्य जावेद आलमले जनाएका छन् ।
पिपिइ सेट, ३०० थान मास्क, १०० थान फेस सिल्ड , ६० थान ह्यान्ड सेनिटाइजर र हेन्ड्ग्लोब्स लगायतका सामग्रीहरु सहकारीका अध्यक्ष हाजी इसराइल मन्सुरी, उपाध्यक्ष, सचिव, सदस्य जावेद आलम लगायत सहकारीकर्मीहरुले वितरण गरिएको सजिलो सहकारीले जनाएको छ ।
स्वास्थ्य सुरक्षा सामग्री ग्रहण गर्दै प्रमुख प्रहरी निरीक्षक नारायण निरौलाले सजिलो सहकारी संस्थालाई आभार प्रकट गरेका छन् । सहकारीको अन्तर्राष्ट्रिय सातौ सिद्धान्त समुदायप्रतिको चासोलाई सजिलो सहकारी संस्थाले नजिकबाट कार्यान्वयन गरिरहेकोमा रामकुमार मेहताले खुशी व्यक्त गरेका छन् । उनले प्राप्त स्वास्थ्य सुरक्षा सामग्रीहरु आजभोलि नै सबै सुरक्षा निकाय तथा सरोकारवालाहरुलाई हस्तान्तरण गरिने पनि बताएका छन् ।
कोरोना रोकथाम र नियन्त्रण गर्न सजिलो कृषि सहकारीले पनि सचेतना जोगाउँदै लागी परेको अध्यक्ष मन्सुरीले बताए । विषम परिस्थितीमा पनि सहकारीहरुको भूमिका अपरिहार्य रहेकोले सजिलो कृषि सहकारीले समुदाय स्तरमा जनचेतना जगाउँदै स्वास्थ्य सुरक्षा सामग्री वितरण गरिएको अध्यक्ष मन्सुरीले जानकारी दिए ।
सहकारीले समुदाय स्तरमा बिभिन्न क्षेत्रमा काम गर्दै आएको बेला दोश्रो भेरियण्ट सहितको कोरोना भाइरस नियन्त्रण गर्न समुदायमा स्तरमा मास्कको प्रयोग गर्न, साबुन पानीले हात धुन, सामाजिक दुरी कायम गर्न र कोरोना लक्षण देखा परेका व्यक्तिहरुलाई कुनै समस्या भएमा आफूहरुलाई जानकारी गराउन अनुरोध गर्दै कोरोना संक्रमितहरुलाई समस्या भएको खण्डमा सजिलो कृषि सहकारीले समन्वय र सहकार्य गरी सहयोग गर्न तयार रहेको अध्यक्ष मन्सुरीले बताए ।
