काठमाडौं । प्रतिनिधिसभा विघटनविरुद्धको मुद्दाको सुनुवाइ सुरु भएको छ।
प्रधानन्यायाधीश चोलेन्द्र शमशेर राणाको अध्यक्षतामा न्यायाधीशरू दीपककुमार कार्की, मिरा खड्का, ईश्वर खतिवडा र डा. आनन्दमोहन भट्टराई रहेको संवैधानिक इजलासमा सुनुवाइ सुरु भएको हो।
आइतबार पछिल्लो बहस भएको थियो। सोमबार प्रधानन्यायाधीश चोलेन्द्र शमशेर राणा अस्वस्थ भएपछि दुईदिन सुनुवाइ स्थगित भएको थियो।
जेठ १४ गते पहिलो पटक संवैधानिक इजलास गठन गरेर सुनुवाइ थालिए पनि अहिलेसम्म मुल मुद्दामा बहस अघि बढ्न सकेको छैन।
प्रतिनिधिसभा विघटनविरुद्ध सर्वोच्च अदालतमा ३० वटा रिट दर्ता भएका छन्। जेठ ८ गते बिहान सरकारको सिफारिसमा राष्ट्रपति विद्यादेवी भण्डारीले प्रतिनिधिसभा विघटन घोषणा गरेकी थिइन्।
