अजमल अन्सारी
लौकही । सशस्त्र प्रहरी बल लौकहीबाट खटिएको सशस्त्र प्रहरी निरीक्षक अरुण पाण्डेको नेतृत्वमा खटिएको टोलिले चेकजाँचको क्रममा लागुऔषध सहित २ जनालाई पक्राउ गरेका छन् ।
मंगलबार दिउँसो ३ः१५ बजेको समयमा सशस्त्र प्रहरी निरीक्षक पाण्डेको नेतृत्वमा खटिएको टोलिले उनिहरुको साथबाट चेकजाँच गर्दा भारत बाट नेपाल ल्याउदै गरेको प्रतिबन्धित लागुऔषध, १०० एमएलको डाईलक्स डिसि ९ बोतल, नाईट्रोजन टयाब्लेट २ पता २० गोटी, स्पास्मो प्रोक्सिभन प्लस १८ पता ४२८ गोटी, एक थान बा.२४ प.१०४ नम्बरको पल्सर मोटरसाइकलमा शरीरमा बाँधेर लुकाईछिपि भारतबाट नेपाल तर्फ ल्याउने क्रममा उक्त बाइक सहित दुवै जनालाई नियन्त्रणमा लिएको सशस्त्र प्रहरी बल लौकहीका सशस्त्र प्रहरी निरीक्षक पाण्डेले जानकारी दिएका छन् ।
सशस्त्र प्रहरी निरीक्षक अरुन पाण्डेको नेतृत्वमा खटिएको उक्त टोलीले बराहक्षेत्र नगरपालिका वडा नम्बर ७ बस्ने बर्ष ३१ का लालबहादुर सुबेदी, सोहि ठाउँ बस्ने बर्ष २२ का सुमन खड्कालाई लागु औषध सहित पक्राउ गरिएको जनाएका छन् ।
जनप्रतिनिधि,नागरिक समाज , बुद्धिजिविहरुको रहोवरमा लागुऔषध सहित दुवै जनालाई सार्वजनिक गरि फेला परेका लागुऔषध अन्य समानहरू सहित प्रारम्भिक अनुसन्धानका लागि आज ईलाका प्रहरी कार्यालय लौकहीलाई बुझाएको सशस्त्र प्रहरी निरीक्षक पाण्डेले बताए।
