इनरुवा । दुई वर्षदेखी आफनो घर छाडेर हरिनगर गाउँपालिका–२ रामनागर भुटाहा बजारको सडकपेटीमा एक बृद्धा बस्दै आएकी थिइन् । एकहप्ता अघि पत्रकार नसिम अन्सारीलाई स्थानीयहरुले बृद्धालाई उद्धार गर्ने व्यवस्था मिलाउन आग्रह गरेपछि उनले सम्वन्धित निकायलाई खबर गरेको थियो ।
बृद्धाको अवस्था हेरर रामनगर भुटाहाबासीलाई माया लागेर खाने कुरा दिन्थ्यो । तर त्यो बृद्धा आफनो घरमा बस्न नरुचाएर बजार क्षेत्रको सडकपेटीमा नै बस्न मन पराउँथिन् । पत्रकार नसिम अन्सारीले इनरुवा नगरपालिका अन्तरगत रहेको क्यूआरसीकी अल्बिना प्रविणलाई खबर गरेका थिए । अल्बिना प्रविण खबर पाउने बितिकै आफनो टोली लिएर बृद्धाको अवस्था बुझन भुटाहा आउँछिन् ।
बृद्धाको अवस्था अवलोकन गरेर हरिनगर गाउँपालिकाका अध्यक्ष गफार अन्सारीसँग पत्रकार अन्सारी सहित अल्बिनाको टोलीले भेटघाट गरेर उनलाई पीसीआर परीक्षण गर्नका लागि अनुरोध गरेका थिए ।
हरिनगरका अध्यक्ष अन्सारीले स्वास्थ्य शाखालाई पीसीआर परीक्षण गर्नका लागि टोली परिचालन गरेर क्युआरसी इनरुवाको टोलीको मदतमा उनको पीसीआर परीक्षण गर्नका लागि स्वाव संकलन गरिएको थियो । उनको रिर्पोट नगेटिभ आएपछि बृद्धालाई प्रविणको टोलीले उद्धार गरेर माया घर इटहरीलाई जिम्मा लगाएका छन् ।
अल्बिना प्रविण,मुकेश मेहता,कृष्ण मण्डल र मनोज मेहता लगायतका टोलीको सहयोगमा बिहिवार आज ७१ वर्षिया कुलसुम रामलाई इटहरीको माया घरमा पठाएका छन् । रामको दुई वटा छोरा विदेशमा रहेका छन् भने एकवटा घरमा रहेका छन् । उनका भाईले आफनो घर कैयौं पटक लगेपनि उनी त्यहाँ बस्न अस्वीकार गरेर फेरी सडकको पेटीमा नै बस्दै आएकी थिईन् ।
क्युआरसी इनरुवा टोलीको एक हप्ता पछिको मेहनत र सक्रियताबाट सो बृद्धालाई माया घरमा पुर्याउन सफल भएका छन् । माया घरमा सुरक्षित राख्ने, स्याहार सुसार गर्ने, खान दिने लगायतको सुविधा रहेकाले सो टोलीले इनरुवा नगरपालिकाकी उपमेयर जमुना गौतम पोखरेलको सहकार्य र सहयोगमा त्यहाँ पुगाइएको हो । अल्बिना प्रविण,मुकेश मेहता लगायतको टोलीले यसअघि इनरुवाबाट एक बंगालादेशी बृद्धालाई उद्धार गर्न सफल भएका थिए ।
पत्रकार नसिम अन्सारीको पहल र क्युआरसीको अथक प्रयासपछि उद्धार गर्न सफल भएकोले वहाँलाई प्रविणले धन्यवाद दिएकी छिन् ।
त्यसैगरी उद्धार गर्ने कार्यमा हरिनगर गाउँपालिका, ईलाका प्रहरी कार्यालय हरिनगर,प्रहरी चौकी भुटाहा, इनरुवा नगरपालिकाकी उपमेयर जमुना गौतम पोखरेल, क्यूआरसी नेपाल, क्युआरसी टिम इनरुवा, माया घर इटहरी लगायतको सहयोगी हातहरुलाई क्यूआरसीकी संयोजक अल्बिना प्रविण र सहसंयोजक मुकेश मेहताले धन्यवाद दिएका छन् ।
