इनरुवा । इनरुवा नगरपालिकाकी उपमेयर जमुना गौतम पोखरेलले कोभिड १९ को कारण प्रत्यक्ष रुपमा नगरबासीसँग योजना संकलन गर्न नसकेकोले आ–आफनो वडामा समयमै योजना तथा कार्यक्रम बनाएर पेश गर्न अनुरोध गरेकी छिन् ।
आर्थिक वर्ष २०८७÷०७९ को वार्षिक नीति, कार्यक्रम तथा बजेट तयारीको सन्दर्भमा कोभिड १९ को कारण प्रत्यक्ष रुपमा योजना संकलन गर्न समस्या भएको हुदाँ नगरबासीले योजना तथा कार्यक्रम बनाएर वडा–वडामा पेश गर्न अनुरोध गरेकी हुन् ।
योजना तथा कार्यक्रम बनाएर असार ६ गतेभित्र आ–आफनो वडामा नाम र नम्बर सहित पेश गर्न उनले अनुरोध गरेकी छिन् । कोभिड १९ कोरोनाको महामारीको बेला स्वास्थ्य,शिक्षा,आर्थिक विकास, विपद व्यवस्थापन,सामाजिक विकास, वन तथा वातावरण लगायतका विषयमा बिशेष ध्यान दिएर योजना तथा कार्यक्रम तयार पारी पेश गर्न इनरुवाकी उपमेयर पोखरेलले नगरबासीलाई अनुरोध गरेकी हुन् ।
वडावडामा अपाङ्गतामैत्री बजेट तथा कार्यक्रम योजना बनाई पेश गर्न समेत उनले अनुरोध गरेकी छिन् । कोरोनाको महामारीमा नगरबासीलाई भेला गर्न नसक्ने अवस्था भएकोले आ–आफनो वडा कार्यालयमा वार्षिक नीति,कार्यक्रम तथा बजेटको सन्दर्भमा योजना संकलन गरी समयभित्र पेश गर्न उपमेयर पोखरेलको आग्रह छ ।https://youtu.be/0UMUBTj-v1k
