मुस्ताक आलम
लौकही । कोरोना भाइरस (कोभिड–१९) संक्रमणको जोखिमलाई मध्यनजर गर्दै सरकारले गरेको लकडाउनबाट प्रभावित कोशि गााउपालिका क्षेत्रका २२७ सुकुम्बासी परिवारलाई एक संस्थाले बिहिबार राहत उपलब्ध गराएको छ ।
२०६५ साल भदौ २ गते आएको बाढीले घर भत्काएर सुकुम्बासी बनेकालाई नेपाल वसोवस वस्ती संरक्षण समाजले सुनसरीको कोशी गाउपालिका–७ को मुसहर वस्तीमा पुगी २२७ घर परिवारलाई राहत उपलब्ध गराएको हो ।
राहत वितरणमा नेपाल वसोबस वस्ती संरक्षण समाजका केन्द्रिय अध्यक्ष कुमार कार्की , नेपाल बसोबास बस्ती संरक्षण समाजका जिल्ला अध्यक्ष सामसेर लिम्बु , नगर अध्यक्ष सिताराम, नेपाल पत्रकार महासंघ सुनसरीका सहसचिव तिर्थ कार्की, कोशी गाउँपालिका–७ नम्बर वडा अध्यक्ष रामचन्द्र मेहता लगायतको रोहवरमा ८ किलो चामल, नुन एक केजी,तेल एक केजी, सुहाविन एक केजी, र दुई थान साबुन जनही वितरण गरेको हो ।
विभिन्न सहयोगी दाताहरुको सहयोमा नेपाल बसोबासद्वारा कोरोना माहामारीका कारण र दैनिक ज्यालादारी गरेर आफ्नो जिविका चलाउने समुदायहरुलाई राहत सामग्री वितरण गरिएको छ । बिचल्लीमा परेका सुकुम्बासीका दुई सय २७ घरपरिवारलाई सामग्री उपलब्ध गराएको आयोजकले जनाएको छ ।
वितरण कार्यक्रमलाई सम्वोधन गर्दै कोसी गाउँपालिकाका–७ का वडाध्यक्ष रामचन्द्र मेहताले नेपाल बसोबास वस्ती संरक्षण समाजले कोरोना महामारीको घडीमा राहत बितरण गरेर सहयोग गरेकोमा धन्यवाद समेत दिएका थिए ।
वडामा आएर जनताको दुःखको घडीमा राहत सामग्री वितरण गरेर देखाएको सदभावलाई आत्मसाथ गर्दै अगामी दिनमा गरिव तथा विपन्न परिवारलाई सहयोग गर्नका लागि उनले अनुरोध गरेका थिए ।
