इनरुवा । मुस्लिम धर्मावलम्वीहरुको दोश्रो महान चाडपर्व ईदुल अजहा(बक्रर ईद) को अवसरमा प्रतिनिधि सभा क्षेत्रिय कार्यसमिति क्षेत्र नम्बर–४ इनरुवा सुनसरीको आयोजनामा ईदमिलन कार्यक्रमको आयोजना गरिएको छ ।
प्रतिनिधि सभा क्षेत्रिय कार्यसमिति क्षेत्र नम्बर–४ नेपाली कांग्रेसले मुस्लिम धर्मावलम्वीहरुको दोश्रो महान चाडपर्वको अवसरमा एक कार्यक्रमका बीच ईदमिलन कार्यक्रम सम्पन्न गरिएको हो ।
ईदुल अजहा(बक्रर ईद) बुधवारदेखी सुरु भएको पर्व शुक्रवार ईदमिलन कार्यक्रमको आयोजना गरी विधिवत रुपमा पर्व सम्पन्न भएको छ ।ईदमिलन कार्यक्रमलाई सम्वोधन गर्दै नेपाली कांग्रेस सुनसरीका सभापति राजीव कोइरालाले बक्रर ईदको विशेषताका बारेमा बोलेका थिए ।
प्रदेश नम्बर १ का प्रमुख प्रतिपक्षि दलका नेता समेत रहेका कोइरालाले ईदमिलन कार्यक्रमले आपसी सदभाव कायम भएको समेत बताए । कार्यक्रमका प्रमुख अतिथि रहेका नेता कोइरालाले बक्रर ईद पर्वले भाईचार कायम भएको र आपसी भेटघाटले खुशयाली छाएकोले मनमुटाव समेत अन्त्य भएको जिकिर समेत गरे ।
नेपाली कांग्रेस सुनसरी क्षेत्र नम्बर ४ का सभापति ऐयुव अन्सारीले ईदमिलन कार्यक्रमले खुशयाली साटासाट गर्न र आपसी भाईचारा कायम गर्न प्रमुख उद्धेश्य रहेको बताए ।
कोसी गाउँपालिकाका अध्यक्ष समेत रहेका अन्सारीले फरक प्रसङ्गमा नजिकिदै गरेको १४ औं महाधिवेशनलाई लक्षित गर्दै योग्य र क्षमतावान व्यक्तिलाई नेतृत्वमा ल्याउनुपर्नेमा जोड दिएका थिए । गुट उपगुटलाई नहेरी पार्टी हाक्ने इमान्दार र लगनशिल व्यक्तिहरुलाई छनौट गरी नेतृत्व सम्हाल्न सक्नेलाई नेतृत्व चयन गर्न समेत उनले आग्रह गरेका थिए ।
त्यसैगरी नेपाल मुस्लिम संघ प्रदेश नम्बर १ का अध्यक्ष हाजी ईसराई मंसुरीले प्रधानमन्त्री शेरबहादुर देउवा नेतृत्व सरकारलाई बक्रर ईद पर्वको दिन सार्वजनिक विदा दिन ध्यानाकर्षण गराएकाले सरकारले समयमै सम्वोधन गरेको हुदाँ सरकारलाई धन्यवाद समेत दिएका थिए ।
बक्रर ईद पर्वको अवसरमा ईदमिलन कार्यक्रमले भेटघाट र आपसी मनमुटाव अन्त्य हुने भएकोले ईदको अन्तिम दिन शुक्रवार नेपाली कांग्रेस लगायत अन्य व्यक्तिहरुको बीचमा कार्यक्रम सम्पन्न भएको नेपाल मुस्लिम संघ १ नम्बर प्रदेशका अध्यक्ष हाजी मंसुरीले सञ्चारकर्मीहरुको कुराकानीमा बताए । वर्षमा एक पटक बक्रर ईद पर्व आउने भएकाले मुस्लिम धर्मावलम्बीहरुले तीन दिनसम्म पर्व मनाउने गरेको समेत उनले बताए ।
सुनसरी क्षेत्र नम्बर ४ बाट निर्वाचित भएका प्रतिनिधि सभा सदस्य तथा कानुन मन्त्री ज्ञानेन्द्रबहादुर कार्की ईद मिलन कार्यक्रममा सहभागि हुन नसकेकोले फोनबाटै शुभकामना दिएको समेत कार्यक्रममा जानकारी गराएका थिए ।
केही दिनपछि मन्त्री कार्की आफनो क्षेत्रमा आएर सबैसँग भेटघाट गर्ने भएकाले मुस्लिम धर्मावलम्वीहरुको दोश्रो महान चाडपर्व बक्रर ईद पर्वको अवसरमा शुभकामना प्रदान गरेको हाजी मंसुरीले जानकारी दिए ।
नेपाली कांग्रेसका युवा नेता आरिफ अन्सारीले ईदमिलन कार्यक्रमले आपसी एकता कायम हुने, मनमुटाव अन्त्य हुने, भाईचारा सम्वन्ध कायम हुने, खुशयाली साटासाट गर्ने र आपसी भेटघाटबाट सामाजिक उतरदायित्व बोध हुने भएकाले बक्रर ईदको अन्तिम दिन ईदमिलन कार्यक्रम गरिएको बताए ।
ईदमिलन कार्यक्रममा नेपाली कांग्रेसका नेता तथा कार्यकर्ताहरु, भातृसंगठनका पदाधिकारीहरु लगायत अन्य व्यक्तिहरुको सयौंको सहभागिता रहेको थियो ।
