हरिनगर । राष्ट्रिय प्रजातन्त्र पार्टी हरिनगर गाउँपालिकाको प्रथम अधिवेशनबाट रमानन्द मेहताको नेतृत्वमा २३ जनाको कार्यसमिति चयन भएको छ ।
हरिनगरा माध्यमिक विद्यालय हरिनगरामा भएको प्रथम अधिवेशनबाट राष्ट्रिय प्रजातन्त्र पार्टी हरिनगर गाउँपालिकाको अध्यक्ष रमानन्द मेहताको अध्यक्षतामा २३ जनाको कार्यसमिति चयन भएको हो ।
उपाध्यक्षहरुमा अमिरिका मण्डल,उर्मिला देवी मेहता, विन्देश्वरी यादव रहेका छन भने सचिवमा एकलाल दाल, सहसचिव कलावती उराँव र कोषध्यक्षमा सुशिलादेवी मण्डल सर्वसम्मतबाट चयन भएका छन् ।
त्यसैगरी सदस्यहरुमा परवेश यादव, रामचन्द्र मेहता, सुवालाल मेहता, बिमला देवी मेहता, हैदर खाँ, राज नारायण यादव, सहित खाँ, मुर्सिद आलम, शिवनारायण मण्डल, रामस्वरुप दास, जानकी देवी साह, मोजम्मिल अन्सारी, सत्यनारायण मेहता, महिन्द्र साह, जयराम कुँवर र सुमिन्द्र मेहता रहेका छन् ।
राष्ट्रिय प्रजातन्त्र पार्टी हरिनगर गाउँपालिकाका अध्यक्ष रमानन्द मेहताले बाँकी आठजनालाई कार्यसमितिको बैठकबाट मनोनित गर्ने बताए ।
प्रथम अधिवेशन कार्यक्रममा पूर्व भूमि सुधार मन्त्री तथा राप्रपाका केन्द्रीय उपाध्यक्ष रामकुमार सुब्बा, राप्रपाकी केन्द्रीय सदस्य इनु अधिकारी, राप्रपा सुनसरीका सभापति दुर्गाबहादुर बस्नेत र राप्रपा केन्द्र सम्पादन समिति सदस्य हसबुल मियाँ लगायतको सहभागिता रहेको थियो ।
