इनरुवा । नेपाली कांग्रेसको क्रियाशिल सदस्यताको संख्या साढे आठ लाख पुगेको छ । जसमध्ये साढे चार लाख नयाँ क्रियाशिल सदस्य थपिएका छन् । नेपाली कांग्रेसको आसन्न १४ औं महाधिवेशनका लागि जम्मा आठ लाख ५२ हजार सातसय ११ जनालाई क्रियाशिल सदस्यता वितरण गरिएको छ ।
क्रियाशिल सदस्यता छानविन समितिको बैठकमा पेस भएको विवरण अनुसार चार लाख ४३ हजार ६७८ जना नयाँ क्रियाशिल सदस्यता थपिएको छ भने चार लाख नौ हजारको नवीकरण भएको कांग्रेसले जनाएको छ ।
जसमा ६ लाख ५३ हजार ४३८ जना पुरुष र एकलाख ९९ हजार ७९ जना महिला क्रियाशिल सदस्य रहेका छन् । अन्यमा १७६ जना रहेको नेपाली कांग्रेसका नेता बीरेन्द्र साहले जानकारी दिए ।
नेपाली कांग्रेसमा दलित क्रियाशिल ४५ हजार चारसय १७ जना, आदिवासी जनजाति क्रियाशिल दुई लाख आठहजार एकसय ५९, खसआर्य क्रियाशिल तीनलाख ६७ हजार ६ सय ११, मधेशी क्रियाशिल ९५ हजार एकसय १४, मुस्लिम क्रियाशिल १६ हजार ९७०, थारु त्रियाशिल, २७ हजार ६१५, पिछडीएको क्षेत्र क्रियाशिल १४ हजार ९१४, अल्पंख्यक क्रियाशिल ६ हजार ८२९ र अपाङ्गता भएका व्यक्तिको क्रियाशिल दुईसय एक जना रहेको नेपाली कांग्रेसले जनाएको छ ।
