इनरुवा । सुनसरीका १२ जना अतिविपन्न अपागंता भएका व्यक्तिहरुलाइ ट्राइसाईकल वितरण गरिएको छ ।
कतार च्यारीटिको सहयोग तथा हिदायत एजुकेशनल एण्ड वेलफेयर ट्रष्ट इनरुवा सुनसरीको आयोजनामा अतिविपन्न अपाङ्गता भएका १२ जनालाई ट्राइसाईकल वितरण गरिएको हो ।
ट्राइसाईकल वितरण कार्यक्रममा इनरुवा नगरपालिकाका प्रमुख राजन मेहता, इनरुवा २ का वडा अध्यक्ष सुरेन्द्र प्रसाद यादव श्रवण, इनरुवा ८ का वडा अध्यक्ष रविन्द्र मण्डल, आयोजक सस्ंथाका अध्यक्ष मौलाना हारुन खान लगायतको सहभागीता रहेका थियो ।
कार्यक्रम संयोजक हजरत हुसेनले अति विपन्न अपाङ्गता भएका १२ जनालाई आवतजावत गर्न सहज हुने उद्धेश्यले ट्राइसाईकल वितरण गरिएको बताए । उनीहरुलाई सवारी साधन नहुदाँ आउजाउ गर्न समस्या भएकोले उनीहरुको नामावली संकलन गरी एक कार्यक्रमका बीच ट्राइसाईकल वितरण गरिएको उनले बताए ।
ट्राइसाईकल पाएपछि अपागंता भएका व्यक्तिहरुले खुसी व्यक्त गर्दै कतै आवातजावत गर्नका लागि समस्या हुने गरेकोमा त्यसबाट मुक्ती पाएको बताएका थिए ।
इनरुवा नगरपालिकाका नगरप्रमुख राजन मेहताले अपाङ्गता भएका व्यक्तिहरुलाई ट्राइसाईकल वितरण गरिएकोले आयोजकलाई धन्यवाद दिदै अगामी दिनमा पनि उनीहरुको हकअधिकारका लागि काम गर्न सुझाएका थिए ।
नगरप्रमुख मेहताले आफूले पनि अपाङ्गता भएका व्यक्तिहरुको लागि नयाँ ठोस योजना बनाएर कार्यक्रम ल्याउन लागेको बताए । उनीहरुको सवालमा आफू सचेत र जागरुक्क भएर योजना तथा बजेट नीति कार्यक्रममा ध्यान दिएको समेत उनले बताए ।
