प्राथमिक स्वास्थ्य केन्द्रमा बीमा कार्ड आउँछ तर बिरामी आउँदैन्

हरिनगर । सुनसरीको हरिनगर गाउँपालिका–४ स्थित प्राथमिक स्वास्थ्य केन्द्र हरिनगरमा बिरामीलाई रेफर गर्नका लागि बीमा कार्ड आउँछ तर बिरामी आउँदैन् । प्राथमिक स्वास्थ्य केन्द्र हरिनगरमा बिरामीका आफन्तहरुले स्वास्थ्य बीमा कार्ड लिएर गएपनि बिरामी नलैजाँदा बाहिर रेफर गर्न प्राथमिक स्वास्थ्य केन्द्रलाई समस्या भएको छ ।
स्वास्थ्य केन्द्रको कार्यालयको समय भन्दा अघि नै सेवाग्राहीहरुले भीड गर्ने गरेको पाइएको छ । त्यो भीड बिरामी भन्दा बढी बिरामीका आफन्तहरुले भीड गर्ने गरेको पाइएको हो । प्राथमिक स्वास्थ्य केन्द्र हरिनगरका प्रमुख माधवलाल देवका अनुसार स्वास्थ्य बीमा कार्ड लिएर बिरामी नआएर बिरामीको आफन्त आएपछि बाहिरको अस्पतालमा रेफर गर्न समस्या हुन थालेको हो ।
स्वास्थ्य बीमा कार्ड लिएर बिरामीका आफन्तले लिएर आउने गरेको र प्राथमिक स्वास्थ्य केन्द्रले रेफर गर्न नमानेपछि बिरामीका आफन्तहरुले विवाद सिर्जना गर्ने गरेको प्र्राथमिक स्वास्थ्य केन्द्रका प्रमुख देवले बताएका छन् ।
स्वास्थ्य केन्द्रमा बिरामी आउँदा चेकजाँच गर्ने गरेको र स्वास्थ्य समस्या बारेमा पता लगाएर लेख्नुपर्ने भएको हुदाँ अनिवार्य रुपमा बिरामीलाई उपस्थिती हुन आवश्यक रहेको केन्द्रका प्रमुख देवले जनाएको छ ।
प्राथमिक स्वास्थ्य केन्द्रमा सेवाग्राहीह रुले कुरा नबुझेर स्वास्थ्य बीमा कार्ड लिएर मात्र आउने गरेको बाहिरको अस्पतालमा रेफर गर्न समस्या भएको हुदाँ सेवाग्राहीहरुले पनि बिरामी लिएर आउँदा रेफर गर्न कुनै समस्या नहुने प्राथमिक स्वास्थ्य केन्द्रका प्रमुख देवले सुरसेर दैनिकको कुराकानीमा बताए ।
हरिनगर गाउँपालिकाका पाँच हजार भन्दा बढी सर्वसाधारणहरुले स्वास्थ्य बीमा कार्ड लिएका छन् । हरिनगर गाउँपालिकामा ७ वटा वडाहरुका सर्वसाधारणहरु रेफर लिनका लागि हरिनगर प्राथमिक स्वास्थ्य केन्द्र नै आउने गरेका छन् । स्वास्थ्य बीमा कार्ड भएका व्यक्तिहरुले स्वंय उपस्थिती नहुने गर्दा स्वास्थ्य केन्द्रको कर्मचारीहरुलाई रेफर गर्न समस्या हुने गरेको एक कर्मचारीले सुरसेर दैनिकलाई बताए ।