इनरुवा । सुनसरीको इनरुवा नगरपालिकामा रथयात्रा कार्यक्रम मंगलवार सम्पन्न भएको छ । इनरुवाको राधाकृष्ण मन्दिरबाट निकालिएको रथयात्रा इनरुवा नगर परिक्रमा गरि रथयात्रा कार्यक्रम भब्यताका सम्पन्न् भएको हो ।
इनरुवाका नगरपालिकाका नगरप्रमुख राजन मेहता र उपप्रमुख जमुना गौतम पोखरेल रथ यात्रामा सवार भई इनरुवा परिक्रमा गरेका थिए । रथयात्रामा नगरप्रमुख मेहता र उपप्रमुख पोखरेलको सवारी भएपनि नगरबासी सहित ग्रामिण क्षेत्रबाट आएका भक्तजनहरु खुशी हुदैं स्वागत गरेका थिए ।
प्रत्येक वर्ष झै यसवर्ष पनि इनरुवामा रथयात्रा सम्पन्न भएको मन्दिर समितिले जनाएको छ । गत वर्ष हातीको सवारी सहित रथयात्रा निकालिएको थियो । तर यस वर्ष कोरोना महामारीका कारणले हाती र घोडाको सवारी गर्न नसकेको समितिले जनाएको छ । पहिलो पटक नगरप्रमुख र उपप्रमुख पोखरेल संयुक्त रुपले रथमा बसेर भक्तजनहरुलाई प्रसादी र चकलेट वितरण गरेका थिए ।
राधा कृष्ण सहितको सवार रथयात्रा भएपनि नगरप्रमुख मेहता र उपप्रमुख पोखरेलको सवार भएका रथयात्रालाई हजारौंको भक्तजनहरुले नाचगान बाजागाँजा सहित खुशी मनाउँदै रथको डोरी तान्दै नगर परिक्रमा कार्यक्रम सम्पन्न भएको थियो ।
इनरुवा नगरका पिता र माताको संयुक्त रुपमा रथयात्रामा सवारी भएपछि एकताको सन्देश दिदै नगरबासीहरुलाई कृष्णाजन्मष्टीको अवसरमा रथयात्रा निकालिएको थियो । सुनसरी सदरमुकाम इनरुवामा मात्रै रथयात्रा निकाल्ने गरेको छ । रथको डोरी तान्नका लागि हिन्दु भक्तजनहरुले लामवद्ध भएर इनरुवाको बिभिन्न ठाउँमा उभिएर रथलाई दर्शन गरेको र डोरी तानेर आआफनो घर फर्किएको थियो ।
हिन्दु धर्मावलम्बीहरुले उत्साह र उमंगका साथ रथयात्रालाई सफल बनाएका थिए । कोरोना भाइरसका कारण इनरुवा नगरक्षेत्रमा भीडभाड हुन नदिनका लागि प्रहरी परिचालन गरेपनि गाउँ गाउँबाट आएका भक्तजनहरुले रथयात्रामा सहभागि हुँदै रथको डोरी तानेर गन्तब्य सम्म पुगाउन सहयोग गरेका थिए ।
राधाकृष्ण मन्दिर सेवा समितिले सरकारले लागू गरिएको निषेधाज्ञालाई ख्याल गर्दै रथयात्रामा सहभागी हुन अनुरोध समेत गरेका थिए तरपनि भक्तजनहरुको उत्साहपूर्ण सहभागिता रहेको थियो । राधाकृष्ण मन्दिरबाट सुरु भएको रथयात्रा महेन्द्र चौक, मालपोत रोड, सखुवागाछी, कृषि विकास बैंक, शान्ति चौक हुदै लोकतान्त्रि चौक, जिल्ला प्रहरी कार्यालय रोड हुदै महेन्द्रचौक हुदै मन्दिरमा रथयात्रा समापन भएको मन्दिर समितिले जनाएको छ ।
