इनरुवा । सुनसरीको इनरुवा नगरपालिकामा संचालित शि लिड्स् महिला नेतृत्व कार्यक्रमको स्थानीय परियोजना सल्लाहकार समितिको जुम बैठकमा महिला जनप्रतिनिधिहरुलाई निर्णय प्रक्रियामा अर्थपूर्ण सहभागिता हुनुपर्नेमा सरकोकारवालाहरुले जोड दिएका छन् ।
दलित महिला केन्द्र नेपालको आयोजना र आईएफइएसको प्राविधिक सहयोगमा संचालित महिला नेतृत्व कार्यक्रम स्थानीय परियोजनाले महिला जनप्रतिनिधिहरुलाई सक्षम बनाउँदै सशक्तिकरण गर्दै सहभागिता मुलक तरिकाबाट अगाडी बढनुपर्ने जुम बैठकमा आवाज उठेका थिए ।
अगामी निर्वाचनमा महिलाहरुले नेतृत्व लिनुपर्ने गरी महिलाहरु अग्रसर हुनुपर्ने जोड दिदै सरोकारवालाहरुले महिला अधिकारसँगै महिला नेतृत्व विकास,चुनौती, ज्ञान सीप आदान प्रदान र राजनीतिकमा महिला संवाद, लैंगिक समानता प्रर्वद्धन र प्रोत्साहित गर्न कार्यक्रमले सहयोग गरेको आइएफइएसको केन्द्रीय अध्यक्ष गौरा नेपालीले बताईन् ।
केन्द्रीय अध्यक्ष नेपालीले प्रदेश १ को ५ वटा जिल्लामा २६ वटा पालिकाहरुका ५ सय २ जना महिला जनप्रतिनिधिहरुलाई सशक्तिकरण, नेतृत्व विकास र पालिकाको निर्णय प्रक्रियामा अर्थपूर्ण सहभागिताका विषयमा बिभिन्न समयमा प्रशिक्षण दिएका थिए ।
निर्वाचित महिला जनप्रतिनिधिहरुलाई स्थानीय तहमा राजनीतिक संवादलाई प्रभावकारी बनाउन आवश्यक रहेको आयोजक संस्थाले बैठकमा जानकारी गराएका थिए ।
इनरुवा नगरपालिकामा संचालित कार्यक्रमहरुको समिक्षा गर्दै अनुमानित बजेट १४ लाख ४४ हजार १ सय ९४ रुपैयाँमा ८ लाख ३२ हजार ३ सय १२ रुपैयाँको कार्यक्रम सम्पन्न भएकोले अगामी दिनमा सरोकारवालाहरुले सल्लाह सुझाव समेत दिएका थिए ।
जुम बैठकमा मोहन तिम्सिना, रामसुन्दर मेहता, स्वेता श्रेष्ठ, पत्रकारद्धोय टोमराज मेहता, अजित कुमार झा, तेजीलाल लामा, मनु चापागाई, कमला कटुवाल, कालिका तिम्सिना लगायतको सहभागितामा महिला जनप्रतिनिधिहरुलाई नेतृत्व तहमा पुगाउन सल्लाह सुझाव दिएका थिए ।
