इनरुवा । हलवाई समाज सेवा समिति इनरुवा सुनसरीले बाबा गोविन्द गणिनाथको २३ औं जन्मोत्सव मनाएका छन् । सुनसरीको इनरुवा–४ सुनसरी खोला नजिकमा रहेको निर्माणधिन रहेको बाबा गोविन्द गाणिनाथ मन्दिरमा पुजाआजा गरेर जन्मोत्सव शनिवार एक कार्यक्रमका बीच मनाएका हुन् ।
श्री श्री १०८ बाबा गाणिनाथ गोविन्दको २३ औं जन्मोत्सकको अवसरमा यस वर्ष हलवाई समाज सेवा समितिले पुजाआजाका गरेर धुमधामका साथ मनाएको जनाएको छ ।
बाबाको जन्मोत्सव मनाउनका लागि हलवाई समाजका १ र २ नम्बर प्रदेशका अगुवा व्यक्तिहरुको समेत सहभागिता रहेको थियो ।
हलवाई समाज संगठित भएर कुल देवताको मन्दिर निर्माण कार्यमा जुटेका छन् । केही वर्षयतादेखी बाबाको मन्दिर निर्माण कार्यलाई निरन्तरता दिदै अगाडी बढेको छ । सुनसरी जिल्लामै पहिलो पटक बाबा गोविन्द गणिनाथको मन्दिर निर्माण कार्यमा सहयोग जुटाउँदै अगाडि बढ्दै गएको हलवाई समाज सेवा समिति इनरुवाका नगर अध्यक्ष उमेश साहले जनाएको छ ।
हलवाई जातिको कुल देवताका रुपमा रहेका बाबा गोविन्द गणिनाथ मन्दिर बनाई सम्पूर्ण हलवाईहरुले प्रत्येक वर्ष जन्मोत्सवको रुपमा पुजाआर्चना गर्ने नगर अध्यक्ष साहले अगामी वर्षमा मन्दिर निर्माण कार्यलाई सम्पन्न गर्ने गरी तयारीमा जुटेको बताए ।
हलवाई समाज सेवा समितिका जिल्ला अध्यक्ष लक्ष्मी प्रसाद साहले बाबा गोविन्द गणिनाथको मन्दिर निर्माणधीन रहेकोले सहयोग गर्न पनि अनुरोध गरेका थिए । हलवाई समाज सेवा समितिले मन्दिरको संरक्षण र सम्वद्र्धन गर्न आवश्यक रहेको समेत बताए ।
हलवाई समाजको एक मात्र ऐतिहासिक मन्दिरका रुपमा स्थापित भएकोले वर्षमा एक पटक पुजाआर्चना गर्ने गरेको जिल्ला अध्यक्ष साहले बताए । धर्म, संस्कृति, परम्परा, रितिरिवाजलाई जर्गेना गर्ने उद्देश्यले हलवाई समाजले कुल देवताको पुजाआजा गरी जन्मोत्सव मनाउने गरेको बताए ।
हलवाई समाज सेवा समिति इनरुवा नगरका कोषाध्यक्ष तथा मन्दिर निर्माण समितिको अध्यक्ष जयप्रकाश साहले बाबा गोविन्द गणिनाथ हलवाई समाजको कुल देवता भएकाले वर्षमा एक पटक जन्मोत्सवका रुपमा मनाउने गरेको बताए । गत वर्ष कोरोना महामारीका कारण बाबाको जन्मोत्सव मनाउन नसकेकोले यस वर्ष कोरोना महामारीको अवस्था साम्य भएकोले निर्माणधिन मन्दिरमा पुजाआर्चना गरी बाबालाई स्मरण गरेको समेत उनले बताए ।
बाबा गोविन्द गणिनाथको शक्ति अपरम्पार भएकोले हलवाई समाज मात्र नभएर अन्य समाजले समेत पुजाआजा गर्न सक्ने उनले बताउँदै इच्छाशक्ति भएका व्यक्तिहरुले बाबा गोविन्द गणिनाथसँग भाकल गरेको कुरा पुरा हुने धार्मिक विश्वास समेत रहेको उनले व्यक्त गरे ।
हलवाई समाजको पहिचान, अधिकार सम्मानका लागि भएपनि समाज गठन गरेको र हलवाई समाज सेवा समितिले जातिय उत्थानका लागि पनि आवाज उठाउने गरेको र बाबाको मन्दिर निर्माणका लागि एकजुट भएर अगाडि बढेको समाजले जनाएको छ ।
हलवाई समाजले धार्मिक सहिष्णुता कायम गर्ने, आपसी सदभाव, भाइचाराको सम्वन्ध, समाजबाट लोप हुँदै गएको संस्कारलाई जन्मोत्सवको मार्फतबाट पनि जर्गेना गर्ने र एकताको सन्देश प्रवाह गर्ने समेत समितिले सुरसेरदैनिकसँगको कुराकानीमा बताए ।
जन्मोत्सवको अवसरमा समाजमा योगदान पु¥याएका एक दर्जन भन्दाबढी व्यक्तिहरुलाई हलवाई समाज सेवा समिति इनरुवाले सम्मानित गरेका छन् ।
पुजा समितिको संयोजक सुरेश साहको अध्यक्षतामा सम्पन्न भएको सो कार्यक्रममा सुनिता देवी साह, बासुदेवी साह, उमेश साह, कलेश्वर साह, प्रदीप साह, दिपक कुमार साह लगायतको उपस्थिती रहेको थियो भने कार्यक्रममा उद्घोषण सत्य नारायण साहले गरेका थिए ।
