भोक्राहा । नेपाली कांग्रेसको १४ औं महाधिवेशन अन्तरगत भोक्राहा नरसिंह वडा नम्बर–३ मा भदौं २१ गते सोमवार सर्वसहमति हुन नसकेपछि आज निर्वाचनबाट देवकुमार मण्डल वडा सभापतिमा निर्वाचित भएका छन् ।
भोक्राहा नरसिंह–३ को वडा अधिवेशनमा उम्मेदवारहरुबीच सहमति हुन नसकेपछि निर्वाचन प्रक्रियाबाट वडा सभापति पदमा ६० मत ल्याएर मण्डल बिजयी भएका हुन् । अर्का वडा सभापति पदका उम्मेदवार दुखीलाल खत्वेले २ मत ल्याएर पराजित भएका छन् ।
भोक्राहा नरसिंह–३ मा दुई खेमाका बीच प्रतिस्पर्धा रहेपनि एक पक्षले निर्वाचनमा भाग नलिई निर्वाचन प्रक्रियालाई बिथोल्ने प्रयास गरेपछि सुनसरी प्रहरी र सशस्त्र प्रहरीले कडा सुरक्षा व्यवस्थाका बीच निर्वाचन गराएका थिए ।
भोक्राहा नरसिंह–३ मा ८८ जना नेपाली कांग्रेसको क्रियाशिल सदस्य रहेकोमा कोइराला पक्षधरले १० जनाको नाम केन्द्रीय समितिबाट क्रियाशिल सदस्य थपिएपछि देउवा खेमाले पनि १३ जनाको क्रियाशिल सदस्यमा पनि केन्द्रीय समितिबाटै नाम थपिएपछि आपसी सहमति नभएपछि बुधवार २ बजेदेखी ३ बजेसम्म निर्वाचन प्रक्रियामा क्रियाशिल सदस्यहरुले भाग लिएर मतदान गरेका छन् ।
निर्वाचन सुरु भएपछि कोइराला पक्षधरका मानिएका अजमल हुसैन, अकमल अन्सारी, सुनिल साह, रामेश्वर खत्वे, मिथलेश यादव, दुखीलाल खत्वे लगायतकाले निर्वाचन रोक्नुपर्ने माग गर्दै नाराबाजी गरेका थिए ।
भोक्राहा नरसिंह–३ मा ८८ जना र २३ जना गरी १ सय ११ मतदाता रहेको सो वडामा ६३ जनाले मतदान गरेका थिए । भोक्राहा नरसिंह–३ मा वडासभापति मण्डल सहित प्यानल विजयी भएका छन् ।
भोक्राहा नरसिंह–३ को उपसभापतिमा रमानन्द महतो र लक्ष्मी महतो, सचिवमा कपलेश्वर यादव र जितेन्द्र प्रसाद मेहता, सहसचिवमा जयराम मण्डल र महेन्द्र मण्डल निर्वाचित भएका छन । यसगरी सदस्यहरुमा कामेश्वर मण्डल, किसनी मण्डल, गोहस्न मण्डल, रामजी मण्डल–१, रामजी मण्डल–२, शत्रुघन मण्डल विजयी भएको निर्वाचन अधिकृतले जनाएको छ ।
यसैगरी क्षेत्रिय प्रतिनिधिहरुमा गौरीदेवी मण्डल, पुजा मण्डल, सुनितादेवी मण्डल, जुगेश्वर यादव, बलराम धानुक, रामदेव महतो, रामवरण यादव, लक्ष्मण यादव, शुभ नारायण मण्डल, सरस्वती कुमारी यादव, शिकेन्द्र मण्डल, बुधु खत्वे, जुवेर असांरी बिजयी भएका हुन् ।
