इनरुवा । इनरुवा नगरपालिका–२ का निवासी योगेन्द्र प्रसाद मेहताले अगामी भदौं २७ गते हुने नगर अधिवेशनमा इनरुवाको नगर सभापतिमा उम्मेदवारी घोषणा गरेका छन् । मेहताले बुधवार पत्रकार सम्मेलनको आयोजना गरी नेपाली कांग्रेसको भदौं २७ गते हुने नगर अधिवेशनमा आफूले नगरसभापतिमा उम्मेदवारी दिने घोषणा गरेका हुन् ।
पत्रकार सम्मेलन मार्फत मेहताले नेपाली काग्रेसका आम नेता कार्यकर्ता, समर्थक, शुभचिन्तकका साथै इनरुवावासी बुवाआमा, दाजुभाई, दिदीबहिनीहरुलाई एक पटक नगर सभापतिको पदमा आफूलाई जिम्मेवारी दिन अनुरोध समेत गरेका छन ।
“मेरो बाल्यकालको जिवनदेखि मेरो परिवार नेपाली काग्रेसमा आवद्ध रहि पार्टीको संगठनमा काम गर्दै आएकाले म समेत विद्यालय जिवनदेखि नेपाल विद्यार्थी संघ, तरुण दल, लगायत पार्टीका तर्फबाट विभिन्न सामाजिक संघ सस्थाँहरुमा प्रतिनिधित्व गर्दै पार्टीको मुलधारको राजनितिमा निरन्तर सक्रिय रहदै आएको छु” जारी प्रेस विज्ञप्तिमा उल्लेख गरिएको छ ।
पार्टीमा सक्रिय रहने क्रममा १४ औ महाधिवेशनमा चुनिने नेतृत्व र इनरुवाको नेतृत्वले नेपाली काग्रेसलाई जनताका माझमा अझ सशक्त नेपाली कांग्रेसको संगठनलाई परिचालन गर्ने योजनाका साथ मेरो उम्मेदवारी दर्ता हुन लागिएको उनले बताए ।
स्थानिय स्तरको नेतृत्व परिवर्तन हुदै जाने पुराना साथीहरुले माथिल्लो तहको पार्टी संगठनमा जिम्मेवारी लिने र तल्लो तहका सार्थीहरुले माथिल्लो तहमा नेतृत्वका लागि पार्टीका नेता कार्यकर्ताबाट चुन्ने चुनिने परम्परा विगत देखि रहदै आएकाले नेपाली काग्रेस नेतृत्व विकास र हस्तान्तरणको एउटा नमुना रहेको पार्टी भएकोले नगर सभापति राजन मेहताले नेतृत्व हस्तान्तरण गरी सहमतिमा नेतृत्व चयन गर्नुपर्ने योगेन्द्रप्रसाद मेहताको भनाई छ ।
इनरुवा नगर कार्यसमितिको नेतृत्व परिवर्तनको आवश्यकतालाई महसुस गरि आधा दर्जन बढीले नगर सभापती पदमा उम्मेदवारी घोषणा गरेको आयोजित पत्रकार सम्मेलनमा उनले जानकारी गराए ।
१४ औ नगर अधिवेशनमा मेरो उम्मेदवारी घोषणा भएकाले इनरुवा नगरपालिकाका मेयरसमेत रहनु भएका नेपाली काग्रेसका वर्तमान नगर सभापती राजन मेहतालाई आगामी कार्यकालका लागि मलाई सभापती पदमा समर्थन गरि र्निविरोध निर्वाचित गराउन आग्रह गर्दछु उनले भने ।
