इनरुवा । सुनसरीको इनरुवामा नेपाली महिलाहरुको महान पर्व हरितालिका तीजको अवसरमा इनरुवा नगरक्षेत्रका महिला मजदुरहरुलाई साडी वितरण गरिएको छ । इनरुवा नगरपालिकाकी उपप्रमुख जमुना गौतम पोखरेलले तीज बिशेष कार्यक्रममा इनरुवाका २५ जना महिला मजदुरलाई साडी सेट वितरण गरिएको बताएकी छिन् । इनरुवा नगरपालिकाको आयोजनामा ओम साई पार्टी प्यालेस इनरुवा–३ मा तीज बिशेष कार्यक्रममा नाँचगान गर्दै तीज कार्यक्रम सम्पन्न गरिएको हो ।
इनरुवाकी महिलाहरुले जनमजदुरी गरी जिविकोपार्जन गर्दै आएकी २५ जना महिलाहरुलाई तीजको गीतमा नाँच्दै तीज बिशेष कार्यक्रममा उनीहरुलाई साडी सेट वितरण गरिएको उपप्रमुख पोखरेलकी सचिवालयले जनाएको छ ।
जनमजदुरी गर्ने महिलालाई प्रोत्साहन गर्नका लागि तीजको अवसरमा साडी सेट प्रदान गरिएको इनरुवा नगरपालिकाकी उपप्रमुख पोखरेलले बताईन् । यसैगरी हरिनगर गाउँपालिकामा समेत तीज बिशेष कार्यक्रम मनाएक छन् ।
हरिनगर गाउँपालिकाकी उपाध्यक्ष रिमझिम कुमारी भगतको अध्यक्षतामा तीज बिशेष कार्यक्रम सम्पन्न भएको हो । हरिनगर–४. को प्राथमिक स्वास्थ्य केन्द्र हरिनगरामा तीजको अवसरमा नाचगान गर्दै तीज पर्व मनाएका हुन् । हरिनगरकी उपाध्यक्ष भगतले ४० जना महिलाहरुलाई तीजको अवसरमा कस्मेटिम अर्थात पुजा समाग्री वितरण गर्ने भएकी छिन् ।
