राजविराज। सप्तरीमा स्थानीय सरकारले हदैसम्मको अनियमितता गरिरहेको जनगुनासो आइरहेका छन।यसैक्रममा करिब तीन किलोमिटर सडक खण्डमा पनि भारी अनियमितता भएको जनगुनासो बाहिर आएको छ।
जिल्लाको बोदेबर्साइन नगरपालिका वडा न.३ अवस्थित गौरादेखी सार्सर सम्मको करिब तिन किलोमीटर सडकमा ८१ लाख लागतको योजनामा भारी बजेट अनियमितता भएको स्रोतले जनाएको छ।
करिब १५ प्रतिशत काम मात्रै सम्पन्न भएको छ।बाटो जस्ताको त्यस्तै छ।गाडी चल्न समेत मुस्किल छ।बिरामी ओसारपसार गर्न एम्बुलेन्ससम्म आउने स्थितिको बाटो छैन ।जनप्रतिनिधि र कर्मचारीकै मिलोमतोमा भुक्तानी समेत लिई सकेको आशंका उब्जिएको छ।-उनले भनेँ ।
दिपेन्द्र यादव अध्यक्ष र रुकसाना बेगम कोषाध्यक्ष भएको उपभोक्ता समिति निर्माण गरिएको थियो ।माटो ग्राभेल गर्नेगरी आर्थिक वर्ष २०७७/०७८ को योजना अन्तर्गतको गौरा-सार्सर सम्मको करिब तीन किलोमीटर सडकमा नगरकार्यपालिकाले ८१ लाख बजेट बिनियोजन गरेको थियो।असारमसान्त भन्दा केहि दिनअघि छिटफुट काज गरि अनुचित तवरले सबैको मिलोमतोमा भुक्तानी लिएको आशंका भएको छ।यो विषय लिएर अख्तियार दुरुपयोग अनुसन्धान आयोगसम्म गएको छु।तर अख्तियारको अनुसन्धान फितलो देखापरेकोले आयोगसमेत मौन भएको महसुस भैरहेको बताए ।
काम जेजति सप्पन्न भएको छ। भुक्तानी त्यही अनुसार दिएको छ।८१ लाखको कुल बजेट रहेको योजना उपभोक्ता समिति मार्फत भएपनि सहि तरिकाले भएन ।काम ठेक्का टेन्डर शैलीमा भएकोले यस्तो देखिएको मात्र हो।अब यसमा भुक्तानी भएको यकिन थाहा नभएको नगर कार्यपालिका सदस्य तथा वडा अध्यक्ष अनुज कुमार यादवको भनाइ रहेको छ।
योजनामा भारी अनियमितता भएको हुनसक्ने भएकालेे बोदेबर्साइनका प्रमुख प्रशासकीय अधिकृतलाई टेलिफोन सम्पर्क गर्दा धेरैपछि मात्र सम्पर्कमा आए। सो योजनाको भुक्तानी बारे मलाई यकिन थाहा छैन ।भोलि कार्यालय पुगेर देखेर भन्छु ।उहाँले भन्नुभयो ।
