नेपाली काँग्रेसको आसन्न १४ औँ महाधिवेशनले सुनसरीमा पनि चुनावी सरगर्मी बढाएको छ । वडा अधिवेशन सकिए लागतै नगरको नेतृत्व चयनमा जुटेका काँग्रेसीहरू आफ्नो गुट भित्रको अङ्क गणितमा जुटेका छन् । अहिले सुनसरीको दुई उपमहानगर सहित नगरहरूमा आ आफ्नो टिम तयारी गरेर चुनावी मैदानमा होमिएका छन् ।
नेतृत्वका लागि धेरै आकाक्षीहरू उम्मेदवारी घोषणा सँगै आन्तरिक प्रतिष्प्रर्धामा उत्रिएका छन् । आगामी असोज ९ गते हुने नगर अधिवेशनका लागि क्षेत्रीय प्रतिनिधिले मात्र मतदान गर्न पाउने भए पछि नगरको चुनाव समेत अघिल्लो वर्षहरू भन्दा थप रोचक हुन पुगेको हो ।
सही क्रममा सुनसरीको रामधुनी नगर सभापतिमा उदयमान युवा नेता सुदिप अधिकारी सहित नगर सचिव दिल बहादुर राई र झुम्का उद्योग वाणिज्य सङ्घका निवर्तमान अध्यक्ष सगेन चौधरी रहेका छन् ।
तिन मध्य सुदीप अधिकारीले अबको नगर सभापति नमुना काँग्रेस बनाउन सक्ने उम्मेदवार आबश्य परेको र उक्त ब्याक्ती आफू मात्र भएको उहाँले बताउनुभयो ।
नेता सुदिप अधिकारी नगर सभापतिमा निर्वाचित हुनेमा विश्वास सहित कार्यकर्ता माझ भेटघाट तीव्र बनाएका छन्। सुनसरीमा काँग्रेस बलियो भए पनि रामधुनीमा सबैले सोचे अनुरूप नभएले आफूले नगरमा काँग्रेसलाई कमजोर हुन नदिने बाचा सहित उनले उम्मेदवारी घोषणा गरेका हुन् ।
काँग्रेसको उर्वर भूमि मानिएको सुनसरीका स्थानीय तहमा सुनसरीको रामधुनीमा भने लामो समय कम्युनिस्टको कब्जामा रहेको र आफ्नो नगर सभापतिको नेतृत्व पाए पछि २०७४ सालको निर्वाचनमा नगरमा नगर प्रमुख मेयर सहित १६ जना जनप्रतिनिधि जिताउन सफल भएको बताउने गरेका छन् ।
कम्युनिस्टको कब्जामा रहेको रामधुनीका धेरै बडामा काँग्रेस मय बनाउनु आफ्नो मुख्य उद्देश्य रहेकाले आफूले पुन उम्मेदवारी दिन लागेको सुदिप अधिकारीले बताउनुभयो । हाल कम्युनिस्टको कब्जामा रहेका बडामा काँग्रेसको गढ लामो समय सम्म बचाई राख्ने सङ्कल्पका साथ उनले नेतृत्व दाबी गरेका छन् ।
आफू कार्यसमितिमा भएकै समयमा काँग्रेसले सफलता पाएको भन्दै अधिकारीले सभापतिमा उम्मेदवारी घोषणा गरिसकेका छन्। उनले आफू नेतृत्वको लागी सम्पूर्ण हिसाबमा तयार भएकोले विकल्पबारे सोच्न नसक्ने बताए । नगर सभापति भई सकेकाले रामधुनीका सम्पूर्ण कार्यकर्ताको भावना बुझिसकेको उनको भनाई छ।
मुख्यतः युवा जमातलाई मूलधारको राजनीतिमा ल्याउने र उचित जिम्मेवारीका साथ नेतृत्वमा पु¥याउने लक्ष्य रहेको अधिकारीले बताउनुभयो ।
