चन्दन मेहता
देवानगंज । सुनसरीको सिमावर्ती क्षेत्र देवानगंज गाउँपालिका वडा नम्बर–४ मा कलश यात्रा कार्यक्रम मंगलवार सम्पन्न भएको छ ।
देवानगञ्ज गाउँपालिका– ४ कप्तानगञ्जमा श्री श्री १०८ श्री नवदुर्गा भवानी नवनिर्मित मन्दिरका लागि झण्डै एक हजारको हराहरीमा महिलाहरुको सक्रिय सहभागितामा कलश यात्रा निकालिएको थियो ।
श्री नवदुर्गा मन्दिर व्यवस्थापन समितिका अध्यक्ष अरविन्द मेहताले दशैंको घटस्थापनालाई बिशेष ध्यान दिई नवनिर्मित मन्दिरको उद्घाटनको पुर्व संध्यामा कलश यात्राीहरुले जल अर्पण गरेको बताए । आज नवनिर्मित मन्दिरको उद्घाटन सुनसरी क्षेत्र नम्बर–२ का संघीय सांसद सीताराम मेहताले उद्घाटन गर्ने कार्यक्रम रहेको उनले बताउँदै संघीय सांसद मेहताले सो मन्दिर निर्माणका लागि १० लाख रुपैयाँ सहयोग गरेको बताए ।
मन्दिर व्यवस्थापन समितिको आयोजनामा झण्डै एक हजार महिला तथा कुमारी कन्याहरुको सक्रिय सहभागितामा बुढी खोलामा जल भरी श्री नवदुर्गा भवानी मन्दिरमा जल अर्पण गरेका थिए ।
देवानगंज गाउँपालिकाका अध्यक्ष मेहताले हिन्दु धर्मावलम्बीहरुको महान पर्व दशैंको अवसर पारेर मन्दिर निर्माण कार्य सम्पन्न भएकोले पुजाआजा गर्न सहज हुने बताए । हिन्दु धर्मावलम्वीहरुको महान पर्वलाई लक्षित गर्दै कलश यात्रा निकालिएर मन्दिरमा झण्डै एक हजार महिला तथा कुमारी कन्याहरुको हातबाट जल चढाइएको थियो ।
उनले मन्दिरको संरक्षण र सम्वद्र्धन गर्न आवश्यक रहेको बताए । देवानगञ्ज गाउँपालिकाका अध्यक्ष लाली प्रसाद मेहता, उपाध्यक्ष पुनितादेवी यादव, प्रमुख प्रशासकीय अधिकृत चुडामणी गुरागाई, वडाध्यक्षहरु अनिलकुमार भगत, चन्देशदर मेहता,देव नारायण मेहता लगायतको सहभागिता रहेको थियो ।
