हरिनगर । सुनसरीको हरिनगर गाउँपालिकामा जनता समाजवादी पार्टी नेपालका नेता तथा कार्यकर्ताहरु समिति विस्तार गर्न सक्रिए बनेका छन् । हरिनगर गाउँपालिकामा जनता समाजवादी पार्टी नेपालले गाउँ, वडा र टोलमा समिति विस्तार गर्ने कार्यलाई तिब्रता दिएको छ ।
जनता समाजवादी पार्टी नेपाल हरिनगर गाउँपालिका र हरिनगर–४ नम्बर वडा समितिको सक्रिय सहभागितामा मंगलवार पनि समिति विस्तार गरिएको छ । साविकको हरिनगरा गाविस वडा नम्बर–५ र हाल हरिनगर–४ मा टोल समिति विस्तार गरेको हो ।
साविकको हरिनगरा गाविस वडा नम्बर–५ मा रामचन्द्र मेहताको अध्यक्षतामा २१ सदस्यीय समिति सर्वसहमतिबाट चयन गरेको छ । सो समितिमा उपाध्यक्षमा रामलखन मेहता, सहसचिव हरिचरण मेहता र कोषाध्यक्षमा नारायण दास रहेका छन् । त्यसैगरी सदस्यहरुमा अर्जुन मेहता, जगदिश ठाकुर, सत्यनारायण मेहता, रामचरित्र मेहता, डोमी साह, तेज नारायण मेहता, बद्रि ठाकुर, सुनिल साह, अनिता ठाकुर, सुशिला मेहता र रामकुमार पंडित रहेका छन् । सचिव र एक जना उपाध्यक्ष पदमा टोल समितिको बैठकबाट निर्णय गरेर जिम्मेवारी दिईनेछ । यसैगरी सल्लाहकारहरुमा बुधु मेहता, कुसेश्वर ठाकुर, महेन्द्र मेहता, गर्भु दास, रामजी दास मेहता, श्रीप्रसाद मेहता, फुलचन्द साह लगायतका रहेका छन् ।
जसपा नेपालको सुदृढिकरण तथा जागरण अभियान तथा विस्तार कार्यक्रममा जसपा नेपाल सुनसरीका सदस्य लखन महतो, जसपा हरिनगर गाउँपालिका अध्यक्ष धर्मवीर आर्यको सहभागिता रहेको थियो । जसपा नेपाल हरिनगर–४ को अध्यक्ष देव नारायण मेहताको अध्यक्षतामा कार्यक्रम सम्पन्न भएको थियो ।
