प्रथम बराहक्षेत्र नगरस्तरीय कराते प्रतियोगिता कार्तिक ६ गते

सुबिन विश्वकर्मा (सुनसरी)
बराहक्षेत्रमा एक दिवसीय प्रथम नगरस्तरीय कराते प्रतियोगिता हुने भएको छ । सालबनी सितोरियो कराते डोजोको आयोजनामा हुन लागेको प्रतियोगितामा ३ सय बढी खेलाडी सहभागी हुने पत्रकार सम्मेलनमार्फत जानकारी दिइएको हो ।
एकल कुमिते र एकल काता बिधामा खेलाइने खेलका लागि नगर बाहिरबाट १५ निर्णायक आउने आयोजक डोजोका अध्यक्ष सागर राइले बताए । उनकाअनुसार राष्ट्रिय तथा अन्तर्राष्ट्रिय प्रतियोगितामा पदक जितेका नगरभरीबाट ८ र धरानबाट १ गरि ९ खेलाडीलाई समेत सम्मान गरिने छ ।
आगामी ६ गते हुने प्रतियोगितामा स्वर्ण, रजत र कास्य पदक गरी ८० मेडल संख्या रहनेछ । जसअन्तर्गत मेडल सुनसरी स्टार एकेडेमी, प्रमाणपत्र बराह गार्मेन्ट एण्ड प्रिन्टिङ सर्भिस र ट्रफी चिल्ट्रेन हार्ट एकेडेमीले प्रायोजन गर्ने बताइएको छ ।
बराहक्षेत्र ८ स्थित जनक मा.बि.को प्राङ्गणमा हुने प्रतियोगितामा २ जना बेस्ट फाइटरलाई समेत सम्मान गरिने छ । सुनसरी एफएमको सभाहलमा भएको पत्रकार सम्मेलनमा क्लबका अध्यक्ष राइसहित उपाध्यक्ष धनकुमार राई, सचिव बिबेक राइ, कोषाध्यक्ष सकुन्तला राइ, संचालक सविन राई लगायतको उपस्थिति रहेको थियोे ।